«Túrki dúnıesi túgeldenip jatyr» - respýblıkalyq basylymdarǵa sholý
***
«Egemen Qazaqstan» basylymynyń búgingi sanynda «Halyqtyq tuǵyrnama - partııanyń basty strategııasy» degent taqyryppen maqala jarııalandy. Maqalaǵa keshe «Nur Otan» halyqtyq-demokratııalyq partııasynyń Parlament Májilisiniń fraktsııasynda kóterilgen máseleleri arqaý bolǵan. Jıyn barysynda eldiń ekonomıkalyq jetistikteri jóninde baıandaǵan Premer Kárim Másimovtyń málimetterinshe, ortasha zeınetaqy 2007 jylmen salystyrǵanda 2,6 esege ósip, 27 myń 665 teńgeni quraǵan. Al 2011 jyly tórt jáne odan da kóp balaǵa tólenetin járdemaqy 2007 jylmen salystyrǵanda 4,6 esege ulǵaıyp otyr. Bilim berý salasyna bólingen qarjy da eki esege deıin artyp, ol 2011 jyly 898 mılllıard teńgege jetken. Jıyn basynda kóterilgen osy máseleler jóninde «Egemen Qazaqstan» basylymynan keńirek bilýge bolady.
Sondaı-aq atalmysh basylymnyń jazýynsha, Qazaqstan Respýblıkasynyń Prezıdenti Nursultan Nazarbaevtyń Frantsııaǵa jumys babyndaǵy sapary jergilikti buqaralyq aqparat quraldary tarapynan úlken qyzyǵýshylyq týdyrdy. Frantsýz jýrnalısteri ásirese, Qazaqstannyń Islam Yntymaqtastyǵy uıymy tóraǵalyǵyna erekshe yntalylyq tanytty. Osyǵan qaraı Memleket basshysy L'Essentiel des Relation Internationales jýrnalyna suhbat bergen. Atalmysh suhbat «Egemen Qazaqstan» basylymynyń búgingi sanynda «Jasampazdyqtyń jarqyn joly» degen taqyryppen basyldy.
***
«Aıqyn» basylymy búgingi sanynda «Túrki dúnıesi túgeldenip jatyr» degen taqyryppen maqala basty. Maqalada keshe Astanada bastalǵan TÚRKІSOI halyqaralyq uıymynyń Mádenıet mınıstrleriniń Turaqty keńesiniń 29-otyrysyna kóterilgen máseleler jóninde baıandalady. Jıyn barysynda Mádenıet mınıstri Muhtar Qul-Muhammed búgingi tańda túrki dúnıesiniń arasyndaǵy yntymaqtastyq kúsheıip kele jatqandyǵyn atap ótti. Mınıstrdiń sózine qaraǵanda, Astanada Mustafa Kemal Atatúriktiń eskertkishi bar, qala kósheleri birqatar túrki áleminiń uly tulǵalarynyń esimin alǵan - Maqtumquly, Manas, Geıdar Álıev, Ábýbákir Dıvaev, Umaı ana, Kúltegin kósheleri sonyń dáleli. Al Ankarada uly aqynymyz Abaı Qunanbaev pen uly jazýshymyz Muhtar Áýezovke jáne Maǵjan Jumabaevqa, Reseıde Alashorda kósemderi men Turar Rysqulovqa memorıaldy taqta ornatyldy. Osy jyly Astanada Ankara kúnderi ótti. Kúzde Qyrǵyz kınosynyń kúnderi uıymdastyrylmaq. «Bul túrki tildes elder arasyndaǵy qarym-qatynastyń jemisi», - deıdi mınsıtr.
«Farmatsevtıka salasy jańǵyrǵaly jatyr». "Aıqynda" osyndaı taqyryppen jarııalanǵan maqalada Qazaqstan Respýblıkasy údemeli ındýstrııalyq-ınnovatsııalyq damýynyń 2010-2014 jyldarǵa arnalǵan baǵdarlamasynda farmatsevtıka ónerkásibi ekonomıkanyń basym baǵyttarynyń biri retinde jarııalanǵan. Osy baǵdarlamaǵa sáıkes farmatsevtıka salasy jaqyn jyldarda jańarý men damýǵa basa den qoıyp otyr.
***
«Alash aınasy» basylymy búgingi sanynda «Abaı eline tikushaqpen baramyz ba?» degen maqala jarııalap, jaqsy másele kóteripti. Basylymnyń jazýynsha, Semeı jerine baryp, qazaqtyń uly perzenti -hakim Abaıdyń, oıshyl Shákárimniń basyna taǵzym etip qaıtýdy nıet etpeıtin qazaq kemde-kem shyǵar. Al shetten kelgen qonaqtardyń arnaıy bas buratyndary da kóp. Biraq Abaı elin betke alǵan sátten-aq qonaqtardyń kóńili qulazı bastaıdy. Óıtkeni ol mekenge sapar shektiretin shoıyn jol joq, tek avtokólik júretin tas joldar ǵana. Al tas joldardyń tas-talqany shyqqan.
Sondaı-aq osy basylym búgingi sanynda medıtsına ǵylymdarynyń doktory, dermatolog-ǵalym Gúlsim Asqarovamen bolǵan suhbatty jarııalapty. Ǵalymnyń aıtýynsha, teri-venerologııa ınstıtýty bizge asa qajet. Ol jabylmaýy tıis. Qazir keıbir sheneýnikter «mundaı ınstıtýt bizge kerek emes, tipti oblystaǵy teri-venerologııa dıspanserlerin de jaýyp, onyń ornyna árbir aýdandyq emhananyń ishinen bólimder ashý kerek», - degen sııaqty máseleler kóterip júr. Bizdegi jalǵyz ınstıtýt pen dıspanserlerdi jabýǵa áli erterek dep oılaımyn. Sebebi bizdiń elimizde teri aýrýlarynyń túrleri óte kóp ári naýqastardyń sany da joǵary deńgeıde tur. Bul másele jóninde keńirek bilgińiz kelse «Alash aınasy» basylymynyń búgingi sanyndaǵy «Elimizde teri aýrýlarynan emdeletin birde-bir emdeý sanatorııi joq», atty suhbatty oqyńyz.
***
«Kazahstanskaıa pravda» basylymynyń búgingi sanynda «Integratsııa vo ımıa bezopasnostı» atty maqala basty. Basylymnyń jazýynsha, búginde Qazaqstan men Reseıdiń tótenshe jaǵdaılar salasy shekaralas aımaqtarda birlesken qımyldardy jandandyra túsýde. Qazaqstannyń Tótenshe jaǵdaılar mınıstrliginiń 8 aýmaqtyq bólimsheleri men Reseıdiń tótenshe jaǵdaılar salasynyń 10 Bas basqarmalary tótennen keletin apttan saqtandyrý maqsatyndaǵy ortaq josparǵa saı qımyldaýda. Osy josparǵa saı turaqty túrde birlesken oqý-jattyǵý sharalary uıymdastyrylyp turady. Shekaralyq aımaqtardyń qutqarýshylary ózara tájirıbe almasyp, apatty jaǵdaılarda qalaı kúsh biriktirý qajettigin synnan ótkizýde.
