Túrki elderiniń jastaryn baılanystyratyn platforma qurylady
ASTANA. KAZINFORM – Túrki elderiniń jastaryn baılanystyratyn platforma qurylady. Bul týraly Astanada ótken Túrki mádenıeti men murasy qory keńesiniń II otyrysynda Aqtoty Raıymqulova aıtty.

– Qor óz qyzmeti aıasynda jastarmen jumys isteýge asa mán beredi. Bul turǵyda, jas býyn ókilderin Túrki áleminiń mádenıetin, murasyn, tarıhyn tolyqqandy oqý, zertteý maqsatynda Túrki memleketteriniń Ulttyq ýnıversıtetteri qabyrǵasynda Túrki murasy ortalyqtaryn ashýdy kózdep otyrmyz, - dedi uıym basshysy.
Qor prezıdenti bıyl bundaı ortalyqtar úsh eldegi ulttyq ýnıversıtetter qabyrǵasynda ashylatynyn, aldaǵy jyldary olardyń qataryn arttyrý josparda baryn atap ótti.

– 2025 jyly mundaı Ortalyqtardy Almaty qalasyndaǵy Ál Farabı atyndaǵy Qazaq ulttyq ýnıversıtet janynan, Bishkek qalasynda ornalasqan Júsip Balasaǵun atyndaǵy Qyrǵyz ulttyq ýnıversıteti janynan, sondaı-aq Túrkııa memleketinde de ashamyz degen josparymyz bar, - dedi Aqtoty Raıymqulova.
Qor basshysynyń aıtýynsha, bundaı ortalyqtar Túrki tektes elder jastarynyń arasynda paıdaly qarym-qatynas (network) ornatyp, mádenıet almasýǵa yqpal etedi.
Aıta keteıik, atalǵan otyrysty ashqan QR Mádenıe jáne aqparat mınıstri Aıda Balaeva Túrkistanda restavratorlar daıarlaýdy usyndy.
Sondaı-aq, Túrki mádenıeti men murasy qoryna múshe elder sany artatyny belgili boldy.