Túrki álemi elderiniń notarıattar odaǵy quryldy

Búgin Ankarada notarıattyq palatalardyń tóraǵalary «Túrki álemi elderiniń notarıattar odaǵyn» qurý týraly memorandýmǵa qol qoıdy, dep habarlaıdy QazAqparat.

Qol qoıý rásimine Qazaqstan, Túrkııa, Ózbekstan, Ázirbaıjan Ádilet mınıstrleri, Qyrǵyzstan Ádilet mınıstriniń orynbasary jáne Túrki memleketteri uıymynyń (TMU) Bas hatshysy qatysty.

QR Ádilet mınıstri Azamat Esqaraev óz sózinde túrki álemi elderi arasyndaǵy quqyqtyq saladaǵy yntymaqtastyq pen damýdyń mańyzdylyǵyn atap ótti.

Túrki memleketteri uıymynyń Bas hatshysy Kýbanychbek Omýralıev Notarıattar odaǵynyń qurylýy TMU elderindegi turaqtylyqty nyǵaıtý jáne quqyqtar men múddelerdi qorǵaýdyń mańyzdy quraly bolatynyn aıtty.

Jıynǵa qatysýshylar notarıat salasyndaǵy yntymaqtastyq, sondaı-aq ózara is-qımyldy odan ári nyǵaıtý jáne zań qyzmetin damytý máselelerin talqylady.

Іs-shara aıasynda Azamat Esqaraev Ázirbaıjannyń Ádilet mınıstri Fıkret Mamedov, Túrkııanyń Ádilet mınıstri Iylmaz Týnch jáne Ózbekstannyń Ádilet mınıstri

Akbar Tashkýlovpen ekijaqty kezdesýler ótkizdi.

Eske salaıyq, Túrki memleketteri uıymyna Qazaqstan, Ázirbaıjan, Qyrǵyzstan, Túrkııa jáne Ózbekstan elderi múshelikke kiredi.