Túrikmenstan prezıdenti júgirý estafetasyna qatysyp, sportkardy tizgindedi

  ASTANA. QazAqparat - Túrikmenstan prezıdenti Gýrbangýly Berdymuhamedov Lebap velaıatynyń ákimshilik ortalyǵy Túrikmenabat qalasynda «Uly Jibek joly» buqaralyq sport jarystaryna bastaý berdi, dep habarlaıdy QazAqparat «Túrikmenstan búgin» aqparat agenttigine silteme jasap.

Aktsııa jeńil atletıka estafetasynan bastaldy. Ol Túrikmenabadtyń bas kóshesi - Bıtarap Túrikmenstan dańǵylynda ótti. Estafetanyń alǵashqy kezeńinde el basshysy Gýrbangýly Berdymuhamedov te júgirdi. Odan ári velojarys bastaldy.

Keıin Túrikmenstan prezıdenti avtorallı jarystary ótetin orynǵa keldi.

Qazir elde «Amýl-Hazar 2018» halyqaralyq rallı jarystaryna daıyndyq júrip jatyr, ol 2018 jylǵy 9-14 qyrkúıekte ótedi.

G. Berdymuhamedov sporttyq avtomobılge otyryp, rallıdiń bastapqy bóligin júrip ótti.

Artynsha, Túrikmenstan ІІM jáne Avtosport federatsııasy ekıpajdarynyń jarysy boldy.
 



Foto: tdh.gov.tm