Túrikmen halqynyń uly aqyny Maqtymqulyǵa arnalǵan ádebı kesh ótti
Jıyndy Qazaqstan halqy Assambleıasy men Túrikmen Respýblıkasynyń Qazaqstandaǵy Elshiligi uıymdastyrdy. Maqtymquly kúni Túrikmenstanda 18 mamyr kúni memlekettik mereke retinde atalyp ótiledi. Osyǵan baılanysty, Qazaqstanda jyl saıyn Túrikmen etnomádenı birlestiginiń uıymdastyrýymen Maqtymquly kúni ótkizilip turady. Búgingi jıynǵa Almatydaǵy konsýl Batyr Gýldjanov jáne Túrikmen etnomádenı ortalyǵynyń tóraıymy Gúlnár Annakýlıeva qatysty.
Dástúrli keshke Almatyda bilim alyp jatqan Túrikmenstan jastary qatysty. Ǵalym Aıgúl Smaqova Maqtumquly poezııasy týraly baıandama jasady. Túrikmen halqynyń ulttyq buıymdarynan kórme uıymdastyryldy. Sondaı-aq stýdentter arasynda aqyn óleńderin mánerlep oqýdan saıys ótti. Qatysýshylarǵa konsýldyq atynan baǵaly syılyqtar tabys etildi.
«Jaqynda Túrikmenstan men Qazaqstan Prezıdentteri kezdesti. Onyń aıasynda Astana men Ashhabad baýyrlas qalalar retinde kelisimshartqa qol qoıdy. Bul eki halyqtyń tamyry tereń dostyǵyn odan ary nyǵaıta túsedi dep bilemiz», - Gúlnár Annakýlıeva.
Aıta keteıik, osy kúnge Maqtymquly Pyraǵynyń 16 myń joldan turatyn óleń-jyrlary jetken. Maqtymqulynyń jyrlary eń alǵash 1842 jyly kitap retinde basylyp shyqty. Ony qazaq tiline aqyn Dúısenbek Qanatbaev aýdarǵan.
