Turǵyn úı jaldaý sýbsıdııasy qolǵa berile me

NUR-SULTAN. QazAqparat – Indýstrııa jáne ınfraqurylymdyq damý mınıstrligi Turǵyn úı jáne turǵyn úı qatynastary basqarmasynyń bas sarapshysy Nurbol Kókenov turǵyn úı jaldaý sýbsıdııasy qandaı jolmen tólenetinin aıtty, dep habarlaıdy QazAqparat tilshisi.

«Habar» telearnasyndaǵy «Búgin» baǵdarlamasynda turǵyn úı jaldaý sýbsıdııasy eshkkimni qolyna berilmeıtini aıtyldy.

«Bul jerde turǵyn úıdi jalǵa berýshi adam men jalǵa alýshy shot ashady. Ony «Otbasy bank» kórip otyrady. Arendaǵa alǵan adam ózi tóleıtin 50 paıyzdy birinshi tóleıdi. Ol tólemniń túskenin «Otbasy bank» avtomattandyrylǵan júıe arqyly elektrondy túrde kórip otyrady. Jalǵa alýshy ózi tóleıtin 50 paıyz aqshany aýdarǵanyn kórgennen keıin baryp «Otbasy bank» 50 paıyzyn aýdaryp beredi», - dedi Nurbol Kókenov.

Baǵdarlama barysynda bul qaǵıdalardyń bári áli naqty bekitilmegeni de aıtyldy. ıAǵnı, Indýstrııa ján ınfraqurylymdyq damý mınıstrligi usyny otyrǵan nusqa osyndaı.

Atalmysh baǵdarlamada turǵyn úı jaldaý sýbsıdııasyna ótinish qalaı qabyldanatyny aıtyldy.

Aıta keteıik, jańa turǵyn úı saıasatynyń aıasynda elimizde 70 myńnan astam adamnyń turǵyn úı jaldaý shyǵynyn memleket jartylaı sýbsıdııalamaqshy.