Turǵyn úı jaldaý sýbsıdııasy qaı aıdan bastap esepteledi

NUR-SULTAN. QazAqparat – Turǵyn úı jaldaý sýbsıdııasyna berilgen 30 myń ótinishtiń 12 myńnan astamy kóp balaly otbasylardan túsken, dep habarlaıdy QazAqparat tilshisi.

«Ótinish bergenderdiń ishindegi kópbalaly otbasylardyń úlesi basym – 12 152, al І jáne ІІ toptaǵy múgedekter (3 485) men múmkindigi shekteýli balalary bar nemese olardy tárbıelep otyrǵan otbasylardyń (3 587) úlesi bir-birine jaqyn. Jetim jáne ata-anasynyń qamqorlyǵynan aıyrylǵan balalardyń (415) úlesi tómen», - dep jazylǵan «Otbasy bank» aktsıonerlik qoǵamy QazAqparat saýalyna joldaǵan jaýapta.

Aktsıonerlik qoǵamnyń baspasóz qyzmeti atalǵan sýbsıdııa ótinishi maquldanǵan adamdarǵa qaı aıdan bastap esepteletinin túsindirdi.

«Sýbsıdııaǵa úmitker otbasybank.kz portalyndaǵy jaldaý shartyna qol qoıyp, qujat memlekettik tirkeýden ótkennen keıin jáne de jalǵa alýshy jaldamaly páterdiń 50% bank shotyna aýdarǵannan keıin ǵana sýbsıdııa tólemderi jalǵa berýshiniń shotyna jóneltiledi», - delingen resmı jaýapta.

Eske salsaq, turǵyn úı jaldaý tólemderin alýǵa myna tórt sanat boıynsha kezekte turǵan qazaqstandyqtar ótinish bere alady:

- І jáne І toptaǵy múgedekter;

- múmkindigi shekteýli balalary bar nemese olardy tárbıelep otyrǵan otbasylar;

- jetim jáne ata-anasynyń qamqorlyǵynan aıyrylǵan balalar;

- kóp balaly otbasylar.