Turǵyn úı qurylys jınaq banki bıyl 48 myńnan astam nesıe berdi
Salymshylar turǵyn úı qurylys jınaq júıesi arqyly qarajat jınaqtaı otyryp, bolashaq baspanasyn satyp alý úshin nesıeni jyldyq 8,5% mólsherlemesimen ala alady. Bıyl tıimdi sharttar boıynsha turǵyn úıge qol jetkizý múmkindigin Turǵyn úı qurylys jınaq bankiniń 48414 klıenti paıdalandy. Ótken jyly nesıe alǵandardyń sany 10 myńǵa az bolǵan.
«Bıyl 392 myń depozıt ashtyq jáne ony jyl sońyna deıin 400 myńǵa jetkizemiz dep otyrmyz. Salymshylardyń sany bir jarym mıllıonǵa jetti, bul rekordttyq kórsetkish», - dedi «Qazaqstannyń turǵyn úı qurylys jınaq banki» AQ basqarma tóraıymy Lázzat Ibragımova baspasóz máslıhatynda.
Sondaı-aq, ol «Baqytty otbasy» baǵdarlamasy boıynsha turmysy tómen 4053 qazaqstandyq otbasy qonys toıyn toılap, páterlerinde turyp jatqandyǵyn atap ótti. «Nurly jer» baǵdarlamasy boıynsha 8 myń nesıe berildi. Baǵdarlama boıynsha áskerı qyzmetshilerge 3 811 nesıe berildi.
2019 jyldyń sońynda banktiń nesıe portfeli 1 trln teńgeni qurady.
