Turǵyn úı banki tólemdi keıinge shegerýdi avtomatty túrde júzege asyrady
Turǵyn úı qurylys jınaq banki ýaqytsha qarjylyq qıyndyqqa ushyraǵan klıentterine 2020 jylǵy 16 naýryzdan keıin ótelýi tıis tólemdi 90 kúnge shegerýge múmkindik beredi. Shegerilgen tólemge negizgi qaryz da, nesıe syıaqysy da kiredi. Bul klıent jazǵan ótinishtiń negizinde júzege asyrylady. Ótinishte keıinge shegerýdiń ne sebepti qajet bolǵanyn kórsetý kerek, biraq bank qosymsha rastaý qujattaryn talap etpeıdi. Tólemdi keıinge shegerý múmkindigi avtomatty túrde beriledi. Bul shara koronavırýs taralýynyń aldyn-alý maqsatynda elde tótenshe jaǵdaıdyń engizilýine jáne Nur-Sultan men Almaty qalalarynda karantın jarııalanǵanyna baılanysty oryn alǵan dep qarjy ınstıtýtynyń baspasóz qyzmeti habarlaıdy.
«Tólemdi shegerý týraly ótinish 2020 jylǵy 15 sáýirden bastap ınternet-bankıng arqyly qabyldanady. Barlyq ótinish maquldanady. Shegerýdi 2020 jylǵy 16 naýryzdan keıin ótelýi tıis tólemderge qatysty qoldanýǵa bolady. Onlaın-ótinish berý kezinde 2020 jyldyń 16 naýryzyndaǵy jaǵdaı boıynsha ýaqtyly ótelmegen nesıe tólemi bolmaýy kerek», - dep eskertti banktiń Basqarma tóraıymy Lıazzat Ibragımova.
Bank basshysy barlyq azamatty tótenshe jaǵdaıdy eskere otyryp, oqshaýlaný erejelerin saqtaýǵa jáne bank bólimshelerine barmaýǵa shaqyrdy.
Tólemdi keıinge shegerý nesıe merzimin 3 aıǵa uzartý arqyly júredi. Bul klıentterge aı saıynǵy tólem kólemin qalypty deńgeıde ustap qalýǵa kómektesedi.
Bank aldyn-ala jáne aralyq zaem alýshylardy olardyń turǵyn úı zaemyna ótý merzimi shegerý ýaqytyna uzartylatynyna nazar aýdarýyn ótindi.
2020 jylǵy 16 naýryz ben 16 maýsym aralyǵynda ýaqtyly ótelmegen tólemder boıynsha aıyppul jáne ósimpul alynbaıdy. Osy úsh aı ishinde klıent negizgi qaryz ben syıaqyny ózine yńǵaıly ýaqyt pen kúni tolyq ótese, tólemderdi keıinge shegerý týraly ótinishti bermeı-aq, qolaıly nesıe óteý kestesin tańdap, aıdyń kez kelgen kúninde qaryzdy óteı alady. Muny úıden shyqpaı-aq onlaın jasaýǵa bolady.
2020 jylǵy 30 naýryzdan bastap karantın aıaqtalǵansha Qazaqstan aýmaǵyndaǵy barlyq fılıalda Turǵyn úı qurylys jınaq banki klıentterge qyzmet kórsetýdiń jańa nusqasyna ótedi. Bólimshelerde nesıe ótinishterin qabyldaý, postkredıt jáne postdepozıt operatsııalardy ótkizý ýaqytsha toqtatylady. Bul kezde klıent Bankke kelip, tek eki operatsııany qoldana alady: depozıtti bólý/toqtatý arqyly aqshasyn alý, sondaı-aq zaemnyń bir bóligin jabý nemese ony tolyqtaı óteý. Bul operatsııalardy paıdalaný úshin bank saıtyndaǵy onlaın-brondaý arqyly aldyn-ala jazylý kerek. Basqa jaǵdaılarda Bank koronavırýsty taratpaý maqsatynda klıentterge qyzmet kórsetýden bas tartýǵa májbúr bolady.
Notarıýstardyń jumysyna tyıym salynbasa, 27 naýryz 18.00-ge deıin berilgen jáne maquldanǵan barlyq nesıe ótinishi klıentti telefonmen jeke habarlasyp shaqyrý arqyly beriletin bolady. Qazir Bank 1000 shamasyndaǵy nesıe ótinishin qarastyryp jatyr, 200 ótinish berilý kezeńinde.
Bank karantın aıaqtalǵansha satyp alý-satý mámilesin jasaspaýǵa shaqyrady.
Nesıe óteý jáne depozıt tolyqtyrý yńǵaıly bolýy úshin qaladaǵy karantın rejıminde ashyq turǵan oryndarda ornalasqan tólem termınaldary isteıdi. Alaıda Bank saýda-oıyn ortalyǵy men bazar izdep qalada júrmeı, tólemdi JSSB 24 ınternet-bankıngi arqyly júrgizýge shaqyrady. Munda kez kelgen banktiń tólem kartasyn qoldanýǵa bolady.
«Qazaqstannyń turǵyn úı qurylys jınaq banki» AQ — elimizdegi turǵyn úı qurylys jınaq júıesin júzege asyratyn birden-bir bank. Uıym Eýropalyq qurylys jınaq kassalary federatsııasyna (EQJKF) jáne Halyqaralyq turǵyn úıdi qarjylandyrý odaǵyna kiredi. Turǵyn úı qurylys jınaq bankiniń jalǵyz aktsıoneri – «Báıterek» Ulttyq basqarýshy holdıngi» AQ.
