Turǵyn úı kezegi: qajetti qujattar tizimi jarııalandy

ASTANA. KAZINFORM – Astanada turǵyn úı kezeginde turǵan jandarǵa arnalǵan qajetti qujattar tizimi jarııalandy. Bul týraly Astana qalasy ákimdiginiń baspasóz qyzmeti habarlady. 

Turǵyn úı ortalyǵy jyl saıyn kezek tizimderin túgendeý jáne turǵyn úıdi kezek tártibimen berý máselesin qaraý aıasynda «Halyqtyń áleýmettik osal toptary» jáne «Kópbalaly otbasylar» sanattary boıynsha turǵyn úıge muqtajdardyń esebinde turǵan azamattarǵa tizbege sáıkes suratylǵan qujattardy usynýdy suraıdy.

Ótinish berý úshin sizde bolýy kerek:

1) ETsQ kilti;
2) ótinish berýshige jáne Qazaqstan Respýblıkasy boıynsha otbasynyń barlyq múshesine jyljymaıtyn múliktiń joqtyǵy (bar bolýy) týraly anyqtama (anyqtama ótinim bergen sátte kúnine bir kún, QR elektrondyq úkimet portalynan alynýy tıis – EGOV.KZ);
3) balalardyń týý týraly kýáliginiń skanerlengen nusqasy / otbasy músheleriniń jeke kýáligi (bar bolsa);
4) neke qııý/buzý/áke bolýdy anyqtaý týraly kýáliktiń skanerlengen nusqasy/№4 nysan/qaıtys bolý týraly kýálik (bar bolsa);
5) úlesi, turǵyn jyljymaıtyn múlki, jataqhanalarda bólmeleri bolǵan kezde menshik quqyǵynyń týyndaǵanyn rastaıtyn qujattardy (satyp alý satý/ syıǵa tartý/ aıyrbastaý/ jekeshelendirý /berý/ muragerlik quqyǵy týraly kýáliktiń kóshirmesi jáne t. b.) usyný qajet;
6) ótinish berýshiniń jáne kezekte turǵan otbasynyń quramynda kórsetilgen otbasy músheleriniń múgedektigi týraly anyqtamanyń skanerlengen nusqasy (bar bolsa).

Qujattardy tapsyrý merzimi men tásili:

Qujattar 2025 jylǵy 14–30 sáýir aralyǵynda birge.astana.kz portaly arqyly elektrondy túrde qabyldanady.

Erekshe sharttar:

Qazaqstan Respýblıkasynyń zańnamasyna sáıkes áreketke qabiletsiz dep tanylǵan azamattardyń qamqorshylary qujattardy Astana qalasynyń Turǵyn úı jáne turǵyn úı ınspektsııasy basqarmasynyń keńsesine jeke ózi kelip tapsyrýy qajet.

Mekenjaıy: Astana qalasy, Baıqońyr aýdany, Respýblıka dańǵyly, 32 (Turǵyn úı ortalyǵynyń birinshi qabaty).

Aıta keterligi, qujattardy ýaqytyly tapsyrmaý nemese olardyń bolmaýy kezek tiziminen shyǵýǵa ákep soǵýy múmkin.