Tuńǵysh qazaq áıeliniń ǵaryshqa sapary qalaı ótti
ALMATY. KAZINFORM – Qazaqstandyq kásipker Danna Qaraǵusova amerıkalyq Blue Origin kompanııasynyń New Shepard sýborbıtalyq kemesimen ushyp, ǵaryshqa barǵan alǵashqy qazaq áıeli atandy.
New Shepard zymyrany 2025 jylǵy 8 qazanda AQSh-tyń Tehas shtatyndaǵy ǵarysh aılaǵynan ushyryldy. Bul Blue Origin kompanııasynyń 36-týrıstik mıssııasy boldy.
Ekıpaj quramynda amerıkalyq kásipker Djeff Elgın, ınjener jáne jasandy ıntellekt salasynyń zertteýshisi Klınt Kellı III, startaptar negizin qalaýshy Aaron Nıýman, ýkraınalyq kásipker Vıtalıı Ostrovskıı jáne aty-jónin jarııalamaǵan taǵy bir jolaýshy bar.
Danna Qaraǵusova osy alty adamnyń ishinde bolyp, Qazaqstan atynan ǵaryshty baǵyndyrǵan tuńǵysh áıel atandy. Ol áleýmettik jelidegi paraqshasynda sapardan keıingi áserin aıtty.
– Muny sózben aıtý múmkin emes... Ǵaryshtan keıin basqasha bolyp oralasyń – janyń ashylyp, júregińdi sheksiz rızashylyq kerneıdi, - dep jazdy ol.
Danna Qaraǵusova buǵan deıin ıvent jáne dıstrıbýtsııa salasynda 25 jyldan astam eńbek etken. Ol medıa jáne ıvent-holdıng – First Media Group-tyń negizin qalaýshylardyń biri.
Eske salaıyq, buǵan deıin qazaqstandyq Danna Karaǵusova Blue Origin kompanııasynyń NS-36 zertteý mıssııasy quramynda ǵaryshqa attanatynyn jazǵanbyz.