Tuman saldarynan Bosfor buǵazynda keme qozǵalysy toqtatyldy

ANKARA. TASS-QazAqparat – Qalyń tuman túsýine baılanysty Ystambuldy Eýropa men Azııaǵa bólip jatqan Bosfor buǵazynyń qos baǵytynda da kemeniń júzýine tyıym salyndy. Bul týraly búgin Túrkııanyń Jaǵalaýdaǵy kúzet basqarmasy málimdedi, dep habarlaıdy QazAqparat TASS agenttigine silteme jasap.

«Qalyń tuman túskendikten, eki baǵytta da jergilikti ýaqyt boıynsha saǵat 4:35-te keme qozǵalysy ýaqytsha toqtatyldy», - delingen habarlamada.

Mármár teńizi aımaǵynda Bosfor men Dardanellada keme qozǵalysy ótken aptada birneshe ret qalyń tuman saldarynan toqtatylǵan bolatyn. Bul oqıǵa Ystambuldyń Azııa bóligindegi Sabıha Gekchen atyndaǵy áýejaı jumysyna kedergi keltirdi.

Foto: gettyimages.com