Túlkibasta jergilikti aqyn men jazýshynyń kitaptary jaryq kórdi

TÚLKІBAS. QazAqparat – Túrkistan oblysy Túlkibas aýdanyndaǵy 90 jyldyq tarıhy bar «Shamshyraq» qoǵamdyq-saıası gazetinde qýanyshty jaıt atalyp ótti. Redaktsııanyń baspahanasynan alǵash ret qos birdeı qalamgerdiń kitaby jaryqqa shyqty, dep habarlaıdy QazAqparat tilshisi.

Aýdandyq redaktsııada talaı jyldan beri ádemi áńgimeler men maǵynaly maqalalar jazyp júrgen jýrnalıst, jazýshy Oryntaı Kómekov pen aqyn Ábdibek Aralbaıulynyń kitaptary jaryqqa shyǵyp, oqyrmanǵa jol tartty.

Oryntaı Óksikbaıulynyń alǵashqy shyǵarmalar jınaǵy «Endi gúlge jolamaspyn» degen ataýmen basylyp shyqty. Al aqyn Ábdibek Aralbaıulynyń kezekti úshinshi kitaby «Іzde meni» dep atalady. Kitaptyń dızaıny men óńdelýi de osy redaktsııada jasaldy. Qos kitaptyń jaryqqa shyǵýyna oraı uıymdastyrylǵan sharaǵa aýdan ákimi Nurbol Turashbekov demeýshilik jasap, muryndyq boldy.

Aqyn men jazýshynyń qýanyshyna ortaqtasý úshin aýdan ákimi Nurbol Ábdisattaruly bastaǵan oblystyq ardagerler keńesiniń tóraǵasy J.Máýlenqulov, fılologııa ǵylymdarynyń doktory, professor Mekemtas Myrzahmetuly, oblystyq jýrnalıster odaǵynyń tóraǵasy Ǵalymjan Elshibaı bastaǵan jýrnalıster qaýymy jáne birqatar aqyn-jazýshy, qalamgerler qatysty. Olar avtorlarǵa ystyq lebiz bildirip, qalamdaryń muqalmasyn degen izgi tilegin jetkizdi.

Kitaptyń tusaýkeser toıynda aqyn Ábdibek Aralbaıuly eli men jerine degen alǵysyn ádemi jyrǵa qosty. Aýdan basshysyna erekshe alǵys aıtyp, rızashylyǵyn jetkizdi.