Túlkibasta halyqaralyq deńgeıdegi ádebı basqosý ótti
«Taýpisteli taǵylymy - 2019: Sherhan men Nasyr baýynda» atty jıynǵa ardagerler men zııaly qaýym ókilderi, Qazaqstan, Túrkııa, Ózbekstannyń qalamgerleri men buqaralyq aqparat quraldary ókilderi jáne shyǵarmashyl jastary qatysty
Árbir úsh jyl saıyn ótetin basqosý túbi bir túrkiler týystyǵy men ádebıet pen jýrnalıstıka, jas urpaq tárbıesi týraly oı qozǵaý men rýhanı baılanysty tereńdetý maqsatynda uıymdastyryldy.
«Rýhanı jańǵyrý» baǵdarlamasy aıasynda ótkizilgen bıylǵy basqosý qazaq jáne ózbek halqynyń Sherhan Murtaza men Nasyr Fazyl syndy sóz zergerleriniń shyǵarmashylyǵyna arnaldy. «Marhabat-Mıras» qoǵamdyq qory men Túlkibas aýdany ákimdigi qolǵa alǵan bastamaǵa Túrkistan oblysy ákimdigi qoldaý kórsetti.
Jıynǵa qatysýshylar aldymen aýdan ortalyǵyndaǵy Turar Rysqulov eskertkishine gúl shoǵyn qoıyp, Túrkibasy áýlıe kesenesine aıaldady. Odan soń Taýpistelidegi Sherhan men Nasyr baýyna jınaldy. Jıynǵa Túrkistan oblysy ákiminiń orynbasary ári ádebıet salasynyń ókili Málik Otarbaev jıynǵa arnaıy qatysyp, oblys ákimi Ómirzaq Shókeevtiń quttyqtaý hatyn tapsyrdy. Ádebıet pen rýhanııat salasyna qoldaý kórsetiletinin, mundaı basqosýlardyń jas urpaq úshin bereri mol ekenin jetkizdi.
Sondaı-aq, aýdan ákimi Nurbol Turashbekov tabıǵaty sóz soılep, tamyljyǵan Túlkibasqa ádebıetshilerge rızashylyǵyn bildirdi. Taǵylymdy kezdesýde Qazaqstan Jazýshylar odaǵy basqarmasynyń hatshysy, Memlekettik syılyqtyń laýreaty Esenǵalı Raýshanov pen Ózbekstan Jazýshylar odaǵy qazaq ádebıeti keńesiniń hatshysy, jazýshy, aýdarmashy Mehmanqul Islamqulov, Qazaqstannyń Qurmetti jýrnalısi Baıdýlla Qonysbek pen Túrkııa Respýblıkasynyń ókili, belgili ǵalym Q.ıAsaýı atyndaǵy HQTÝ-dyń túrik fılologııasy kafedrasynyń meńgerýshisi Asyl Shengún baıandama jasady.
Halyqaralyq «Alash» syılyǵynyń laýreaty, K.Sımonov medaliniń ıegeri Narmahan Begalyuly men Nesipbek Dáýitaıuly jáne ózge de aqyn-jazýshylar qos qalamger jaıly tolǵanystaryn, qoǵam, ádebıet, rýhanııat týraly keleli oılaryn aıtyp ótti.
Ádebıet, jýrnalıstıka jaıly usynystaryn, jas talanttar týraly oı-pikirlerin bildirdi. Áserli júzdesýde qalamgerler ádebıetke qadam basqan jastarǵa bata berip, aq jol tiledi. Basqosý barysynda Sherhan Murtaza men Nasyr Fazyldyń shyǵarmalarynan úzindiler usynylyp, jıyn sońy kontserttik baǵdarlamamen jalǵasty. Basqosý sońynda qalamgerler Boztorǵaı asýyna saıahat jasady.
