Túlkibas aýdanynda «Til - tatýlyq tiregi» atty festıval ótti

TÚLKІBAS. QazAqparat – Túrkistan oblysy Túlkibas aýdanynda «Til - tatýlyq tiregi» atty festıval ótti. Merekelik shara Qazaqstan Respýblıkasynyń tilder kúnine oraı uıymdastyrylyp, oǵan mektep ustazdary men oqýshylar, balabaqsha qyzmetkerleri qatysty, dep habarlaıdy QazAqparat tilshisi.

Aýdandyq mádenıet úıinde ótken shara barysynda tildiń mańyzyn, babadan qalǵan asyl mura ekenin, urpaqtan-urpaqqa ózgermeı jetetin qundylyq sanalatyny nasıhattaldy. Tildiń adamzat ómirindegi baǵa jetpes baılyq ekenin jınalǵan kópshilikke túsindirildi. Til janashyrlary óskeleń urpaqta ana tilin súıýge, ony qorlamaýǵa, ózgelerge taptatpaýǵa shaqyrdy.

Shara barysynda «Maılykent tolqyndary»folklorlyq ansambli,«Arsha»trıosy ánnen shashý shashsa,A.Pýshkın atyndaǵy aqparattyk tehnologııalar mektep-lıtseıiniń ónerpaz okýshylary ádemi bıimen sahnany terbetti. Ónerli mektep oqýshylary qazaq, orys, ózbek, aǵylshyn, túrik tilderinde qara óleń oqyp, jınalǵandardy mereıli merekemen quttyqtady. I.Rybalko atyndaǵy mektebiniń oqýshylarynan quralǵan top «Abaı alemi»atty kompozıtsııalyq qoıylym kórsetti. Sonymen katar, til maıtalmandary aýdan ákiminiń Alǵys hatymen marapattaldy.

«Qazaqtyń birtýar aqyny Maǵjan Jumabaev «Ultqa tilinen qymbat nárse bolmaq emes, bir ulttyń tilinde sol ulttyń syry, tarıhy, turmys-tirshiligi, minezi aıqyn kórinip turady» degen. Demek, kópultty, tatý halqy bar, kemel bolashaǵy bar egemendi elimizdiń ana tili aıbyndanyp, ózge tilderi ómirsheń kelsin. Til qandaı ultta, qandaı elde bolmasyn qasterli, qasıetti. Ol árbir adamǵa ana sútimen daryp, qalyptasady. Sol qasıetti uǵymdy qasterlep, qurmetteý - árbir azamattyń adamdyq boryshy. Ana tilin qurmettep, ózge tilderdiń bárin bilýge shaqyramyn», - dedi aýdandyq tilderdi damytý ortalyǵynyń meńgerýshisi Baqyt Dáýletov.