Túlekter jıi tańdaıtyn mamandyq — dene shynyqtyrý jáne shet tili muǵalimi
ASTANA. KAZINFORM — Elimizde joǵary oqý ornynda bilim alý úshin 112 myń grant, sonyń ishinde bakalavrıatqa 79 myńǵa jýyq grant bólindi (byltyrǵy jylmen salystyrǵanda 5 myńǵa kóp). Bul jaıynda Qoǵamdyq saıasat ınstıtýtynyń sholýynda aıtylady.
Bilim grantyn taǵaıyndaý konkýrsyna qujat 24 shildege deıin qabyldandy. Bıyl 186 myń túlek mektep bitirgen bolsa, oqý grantyna 103 myńǵa jýyq ótinish tústi. Bul ótken jylmen salystarǵanda 9 myńǵa artyq.
Qujat qabyldaýdyń aralyq qorytyndysy boıynsha ótinish sany kóp túsken TOP-15 bilim baǵdarlamasy:
Aqparattyq tehnologııalar — 11752;
Deneshynyqtyrý muǵalimderin daıarlaý — 5463;
Shet tili muǵalimderin daıarlaý — 4707;
Medıtsına — 4023;
Qala qurylysy, qurylys jumystary jáne azamattyq qurylys — 2705;
Sáýlet — 2528;
Elektr tehnıkasy jáne energetıka — 2406;
Qazaq tili men ádebıeti muǵalimderin daıarlaý — 2377;
Psıhologııa — 2351;
Bıologııalyq jáne sabaqtas ǵylymdar — 2292;
Aýdarma isi — 2151;
Menedjment jáne basqarý — 2084;
Elektr tehnıkasy jáne avtomattandyrý — 1874;
Týrızm — 1718;
Quqyq — 1697.
Dene shynyqtyrý jáne shet tili muǵalimi — eń suranysqa ıe mamandyqtyń biri bolyp qala bermek.
Byltyr dene shynyqtyrý muǵalimderin daıarlaýǵa — 5377, shet tili muǵalimderin daıarlaý baǵdarlamasyna — 3862 ótinish túsken.
Jalpy konkýrs nátıjesi 10 tamyzǵa deıin jarııalanady.
2024 jyly alǵash ret saralanǵan granttar engizildi. ıAǵnı, UBT nátıjesi boıynsha joǵary kórsetkish kórsetip, alaıda grantqa ilinbegen talapkerdiń oqý aqysynyń 50% memleket bıýdjetinen tólenip, tolyq stıpendııa alý múmkindigi de bar.
«Pedagogıkalyq ǵylymdar» jáne «Áleýmettik ǵylymdar, jýrnalıstıka jáne aqparat» oqý baǵdarlamalary boıynsha 300 saralanǵan grant bólindi.
Memlekettik granttan bólek ár óńir joǵary bilimdi qoljetimdi etý jáne eńbek naryǵyna qajetti bilikti mamandy daıarlaý maqsatynda jergilikti bıýdjet esebinen «ákim granttaryn» da bóledi.
«Serpin» baǵdarlamasy da grantpen bilim alýǵa múmkindik beredi. Baǵdarlama tek aýyl túlekterine arnalǵan, bıyl 3903 grant bólindi.
«Qazaqstan halqyna» qoǵamdyq qory bakalavrıat baǵdarlamasy boıynsha talapkerlerge 850 grant bóldi.
Sonymen qatar, áskerı boryshyn ótegen azamattar da grant negizinde elimizdiń 42 JOO bilim ala alady.
Talapkerler grantqa túspegen jaǵdaıda aqyly oqýǵa múmkindik bar.
QR Ǵylym jáne joǵary bilim mınıstrliginiń málimetinshe Qazaqstanda 120 JOO bar.
Ulttyq ýnıversıtetterde, máselen, «Pedagogıka» mamandyǵy boıynsha 1 jyldyq oqý aqysy 1 mıllıon teńgeden asady, al óńirlik JOO dál osy mamandyqty 500-600 myń tg deıin oqýǵa bolady.
Joǵary bilim men ǵylymdy damytýdyń 2023-2029 jyldarǵa arnalǵan tujyrymdamasyn iske asyrý sheńberinde sheteldik JOO fılıaldaryn ashylýda. Qazirgi tańda elimizde 15 sheteldik JOO fılıaly iske qosyldy.
Sonymen qatar, QR Ǵylym jáne joǵary bilim mınıstri S. Nurbek 2024 jylǵy 24 shildede ótken onlaın-brıfıngte joǵary bilimdi qoljetimdi qylý úshin paıyzsyz nesıe berý josparlanǵanyn jetkizdi.
