T.Súleımenov bankterdiń memleketten alǵan kómekti qaıtarý merzimi týraly: Bul durys emes

ASTANA. KAZINFORM – ekinshi deńgeıli 5 banktiń memleketten alǵan kómekti qaıtarý merzimi tym uzartylyp belgilengen. Ulttyq bank tóraǵasy Tımýr Súleımenov bazalyq mólsherlemege arnalǵan baspasóz máslıhatynda osyndaı pikir bildirdi. 

— Negizinen bul Ulttyq banktiń aqshasy. Sondyqtan biz jumys istep jatyrmyz. Bul óte názik másele bolǵandyqtan, nátıjelerin keıinirek baıandaımyz, — dedi Ulttyq bank tóraǵasy. Shataspasam, bizdegi bankterdiń balansynda 1,4 trıllıon teńge kóleminde memleket kómegi bar. Ol kómekter ár ýaqytta ártúrli baǵytta berilgen. arqyly Ulttyq bankke enshiles Qazaqstan turaqtylyq qorynyń baǵdarlamasy bolǵan. «Báıterek» pen «Samuryq-Qazyna» óte uzaq merzimge jáne úlken jeńildikpen shyǵarylǵan oblıgatsııalardy satyp aldy. Onyń bári bankter men ózge uıymdar arasyndaǵy tıisti kelisimderde kórsetilgen. Odan beri kóp ózgeris boldy, — dep eske aldyq ol.

Aıtýynsha, bul shara bankterdiń damýyna jaǵymdy áser etken.

— Bankter teńgerimin aıtarlyqtaı nyǵaıtty, olar qomaqty paıda taba bastady. Qısynǵa salsaq, memlekettiń kómegi birte-birte qaıtarylý kerek. Kelisimsharttarda qaıtarý merzimderi tipti 2040 jyldarǵa deıin dep te kórsetilgen. 2030 jyldar da bolýy múmkin. Bul durys emes, ózgertý kerek shyǵar. Biz de, Qarjy naryǵyn retteý jáne damytý agenttigi da sharalar ǵana qabyldaı alamyz. Bul jerde yntalandyrý sharalary dep ataýǵa bolady. Ol sharalar bankterdi memleketten alǵan kómekti qaıtarýǵa yntalandyrady, — dedi Tımýr Súleımenov.

Ulttyq bank basshysynyń aıtýynsha, bazalyq mólsherleme áli de kóterilýi múmkin.