Tsıntsınnatı týrnıri: ıÝlııa Pýtıntseva juptyq synda da jeńiske jetti

ASTANA. KAZINFORM — Qazaqstandyq tennısshi ıÝlııa Pýtıntseva juptyq synda Tsıntsınnatı (AQSh) WTA 1000 týrnıriniń 1/8 fınalyna joldama aldy.

Qazaqstandyq tennısshi kanadalyq Leıla Fernandespen birge alǵashqy aınalymda japonııalyq Mııý Kato – ındonezııalyq Aldıla Sýtıadımen betpe-bet keldi.

Birinshi partııada taı-breıkte qazaqstandyq-kanadalyq jup ábjildik tanytty – 7:6 (8:6).

Ekinshisinde dodanyń favorıtteri sanalǵan japonııalyq-ındonezııalyq dýet qarymta qaıyrdy – 6:3.

Sýper taı-breıkte jeńis Pýtıntseva – Fernandestiń enshisinde ketti – 10:4. 1 saǵat 40 mınýtqa sozylǵan matchta ekeýi 3 eıspen birge 7 breık-poınttyń beseýinde kózdegenine jetti. Kato – Sýtıadı 10 breık-poınttyń altaýyn paıdalandy.

ıÝlııa Pýtıntseva – Leıla Fernandes shırek fınalǵa shyǵý úshin amerıkalyqtar Kerolaın Doýlhaıd – Dezıre Kravchıkpen talasady.

Qazaqstannyń juptyq syndaǵy birinshi, álemniń 48-raketkasy Anna Danılına reseılik Irına Hromachevamen birge alǵashqy aınalymnan asa almady. Olar chehııalyq Lında Noskova – reseılik Dıana Shnaıderge ese jiberdi – 6:7 (5:7), 4:6.

Jekeleı synda búgin Qazaqstannyń birinshi, álemniń 4-raketkasy Elena Rybakına reıtıngide 27-oryndaǵy L.Fernandespen kezdesedi.

ıÝ.Pýtıntseva álemniń 2-raketkasy, amerıkalyq Korı Gaýfpen oınaıdy.

Júlde qory 3,2 mln AQSh dollarynan asatyn jarys jeńimpazdary 1 myń reıtıngilik upaıǵa ıe bolady.

Eske sala keteıik, budan buryn Jibek Qulambaevanyń Serbııada kambek jasap, týrnırdiń 7-raketkasyn utqanyn jazǵan bolatynbyz.