Tsıfrlyq kodeks: Qazaqstandyqtar platformalardan jeke derekterin óshirýge quqyly bolady
ASTANA. KAZINFORM — Keshe Májilis Tsıfrlyq kodeks jobasy men eki birdeı ilespe zań jobasyn birinshi oqylymda maquldady. Jańa kodekste tsıfrlyq keńistiktegi dúnıeler de materıaldyq múlik retinde zańmen qorǵalatyn bolady. Qazaqstandyqtar qyzmetin paıdalanǵan platformalardan ózderiniń jeke derekterin óshirýge quqyly bolady. Jańa zań jobasy azamattardyń jeke derekterin qalaı qorǵaıdy? Bul týraly Májilis depýtaty Únzıla Shapaq «JJ Studio» podkastynda aıtyp berdi.
— Tsıfrlyq kodekstiń kózdep otyrǵan maqsaty ne? Birinshiden tsıfrlyq ortadaǵy qoǵamdyq qatynastardy tolyǵymen anyqtap, onyń retteıtin pánin aıqyndaý. Ekinshiden osy retteýdiń negizgi qaǵıdattaryn belgilep berý. Qazir tsıfrlyq ortada qatysýshylar kóp. Solardyń qaısysyn tsıfrlyq ortadaǵy sýbektilerge jatqyza alamyz? Qandaı naqty qundylyqtardy tsıfrlyq obektige jatqyzamyz? Munda jeke derekter tsıfrlyq obekt bolyp sanalady. Demek mundaı obektilerdi, ıaǵnı derbes derekterdi qorǵaý júıesin jetildirý kórsetilgen. Birinshiden derbes derekterge tónetin táýekeldi basqarady, ekinshiden qorǵaný joldaryn anyqtaıdy, úshinshiden — onyń qaýipsizdigin naqtylaý normalary engizilgen, — dedi Únzıla Shapaq.
Sonymen birge, elimizde memlekettik tsıfrlyq platforma engiziledi. Buryn tek qana Tsıfrlyq úkimet qana bolsa, qazir basqa sýbektiler kóbeıdi. Olar bir-birimen derekterdi almasýy úshin zańdastyrylǵan platformada jumys isteıdi jáne arasyndaǵy qarym-qatynasty retteý úshin de bul zańnyń úlesi joǵary bolady.
Depýtattyń aıtýynsha, belgili bir deńgeıde QR zańy Qazaqstannyń tsıfrlyq keńistigindegi aqparattyq aǵyndy retteıdi. Sondyqtan bizde qazir Ulttyq tsıfrlyq obektiler naqtylanady.
Biraq shet elderdiń aqparattyq júıeleri bizdiń memlekettik tsıfrlyq platformada jumys istese, onda bizdiń zańdarǵa baǵynady.
— Qazir elde 355 aqparattyq júıe jumys istep tur. Olarǵa memlekettik aqparattyq portalda jumys jasaý úshin talaptar qoıylyp, olardyń jumys barysyndaǵy qaýipsizdigin tekseretin aýdıtorlyq tekserýlerdiń quqyqtyq negizderi qalanady. Bizdiń memlekettik tsıfrlyq platformaǵa kiretin azamattardyń sáıkestendirýine qoıylatyn naqty ólshemder belgilendi. Sheteldik platformany paıdalaný ýaqyty bitkende, mysaly ıAndekske jeke derekter bergen bolsańyz, ony artynan óshirip tastaý quqyǵy jańa kodekste eskerilgen, — dep túsindirdi Májilis depýtaty.
Aıta keteıik, Tsıfrlyq kodeks elektrondy tsıfrlyq qoltańbanyń quqyqtyq mártebesin elektrondy formatta qol qoıýdyń jalǵyz tásili dep bekitedi.
Sondaı-aq, kodekske «tsıfrlyq dálel» jáne «tsıfrlyq deldal» uǵymdary engizilmek. Bul uǵymdardy zańnamaǵa engizý arqyly Yandex Go, Glovo, Chocofood sııaqty eńbek platformalarynyń, Kaspi, Wildberries, OZON sııaqty marketpleısterdiń, booking, krisha.kz qyzmet agregatorlarynyń, memlekettik tsıfrlyq servısterdiń jaýapkershiligi men jumys tártibin naqty belgileýge jol ashady.