AQSh-ta Trampty qoldaıtyndardyń kórsetkishi kúrt azaıyp ketti

ASTANA. KAZINFORM – Amerıkalyqtar onyń eldegi ómir súrý qunyna áser etetin sheshimderine narazy bolǵandyqtan, Tramptyń AQSh-taǵy tanymaldyǵy rekordtyq deńgeıge deıin tómendedi, dep habarlaıdy DW aqparat agenttigi.

Reuters jáne Ipsos zertteý kompanııasynyń jańa saýalnamasyna sáıkes, amerıkalyqtardyń tek 40%-y qazirgi prezıdenttiń jumysyn maquldaıdy – bul aldyńǵy aptamen salystyrǵanda 2 paıyz tómen. Tramptyń jumysyn qatty jaqtyrmaıtyn amerıkalyqtardyń úlesi 57%-ǵa deıin ósti.

Saýalnama qorytyndylaryna sáıkes, amerıkalyqtardyń Trampqa qatysty negizgi shaǵymy – onyń azamattar shyǵyndarynyń ósip jatqan deńgeıine qarsy kúres salasyndaǵy is-áreketteri, suralǵandardyń 63%-y osyǵan narazylyq bildirdi.

Reuters atap ótkendeı, AQSh-ta ınflıatsııa qarqyny Tramp qyzmetke kiriskennen beri eńbek naryǵynyń álsireýine qaramastan ósti, bul ortalyq bankti paıyzdyq mólsherlemelerdi tómendetýge májbúr etti.

Salystyrý úshin, tanymaldyq reıtınginde Tramp aldynda prezıdent bolǵan Djo Baıdenniń eń tómen reıtıng kórsetkishi 36% boldy. Onyń jumysyn maquldaǵandardyń mundaı sany 2024 jyldyń mamyr aıynda tirkelgen.

Buǵan deıin júrgizilgen saýalnamaǵa sáıkes Tramptyń reıtıngi tómen ekenin jazǵan bolatynbyz.