Trampqa taǵy da shabýyl jasaldy
ASTANA. KAZINFORM - AQSh-tyń burynǵy prezıdenti jáne qaıtadan prezıdenttikke úmitker bolǵan Donald Trampqa kezekti márte qarýly shabýyl jasaldy. Bul týraly TASS habarlady.
New York Post basylymy taratqan málimetke sáıkes, AQSh-tyń qupııa qyzmeti Florıda shtatyndaǵy Vest-Palm-Bıchtegi óziniń golf-klýbynan shyǵyp bara jatqan kezde Donald Tramptyń janynda atys bolǵanyn baıqaǵan.
Ókilder palatasynyń múshesi Mardjorı Teılor-Grın qazirgi ýaqytta Trampqa eshqandaı qaýip tónip turmaǵanyn málimdedi.
- Tramp onyń mańaıynda bolǵan atystan soń qaýipsiz jerge ornalastyryldy. Ázirge basqa aqparat joq, - dep jazdy H áleýmettik jelisindegi paraqshasynda Mardjorı Teılor-Grın.
Eske sala keteıik, buǵan deıin AQSh-tyń Pensılvanııa shtatynda saılaýaldy aktsııa kezinde Donald Trampqa qastandyq jasalǵanyn habarlaǵan edik.
