Tramp juma kúni Pýtınmen kezdesetinin málimdedi

ASTANA. KAZINFORM —  AQSh prezıdenti Donald Tramp juma kúni Reseıge baryp, Vladımır Pýtınmen kezdesetinin málimdedi, dep habarlaıdy Kazinform.

Bul týraly ol jýrnalıstermen kezdesý barysynda aıtty.

— Men Pýtınmen kezdesemin. Juma kúni Reseıge baramyn. Maǵan munda bolyp, bul jerdiń qanshalyqty qaýipti, las jáne suryqsyz ekenin aıtý unamaıdy. Bir kezde ásem bolǵan bul astana qazir qabyrǵalary graffıtıge toly, — dedi Aq úı basshysy AQSh astanasyndaǵy qaýipsizdik sharalaryna arnalǵan baspasóz konferentsııasynda.

Buǵan deıin Tramp úısizderdi «shuǵyl túrde» Vashıngtonnan ketýge shaqyryp, qaladaǵy qylmysqa qarsy kúresýge ýáde bergen edi.

Osyǵan baılanysty ol el astanasyna ulttyq gvardııany jiberip, «quqyqtyq tártipti qalpyna keltirýge kómektesetinin» aıtty. Sondaı-aq Tramp astanalyq polıtsııany baqylaýdy federaldyq bılikke beretinin habarlady.

Ótken aptada Aq úı basshysy Pýtınmen kezdesý 15 tamyzda Alıaskada ótetinin jarııalaǵan bolatyn.