Tramp jańa saýda kelisimi jasalǵanyn málimdedi

ASTANA. KAZINFORM – Osyǵan deıin AQSh prezıdenti AQSh-tyń alǵashqy saýda kelisim týraly doǵal kabınette ótetin baspasóz máslıhatynda habarlaıtynyn málimdegen bolatyn.

- Bul Qurama Shtattar men Birikken Koroldik úshin erekshe tolǵandyratyn kún bolýy kerek. Doǵal kabınettegi baspasóz máslıhaty tańǵy saǵat onda bolady. Rahmet!, - dep jazdy Donal Tramp Truth Social áleýmettik jelisinde birinshi kelisimniń Ulybrıtanııamen jasalǵanyn meńzeı otyryp.

Keshirek ol Birikken Koroldikpen jasalǵan kelisim tolyq ári barlyq salany qamtıtytyn jetkizdi.

- Birikken Koroldikpen jasalǵan kelisim, tolyq ári barlyq salany qamtıdy. Ol Qurama Shtattar men Birikken Koroldiktiń qarym-qatynasynyń aldaǵy kóptegen jyldar boıy jaqyn bolýyna yqpal etedi. Bizdiń uzaq jyldarǵy tarıhymyz ben bir-birimizge degen senim úshin Birikken Koroldiktiń bizben alǵashqy kelisim jasaýshy bolǵany úlken mártebe. Budan keıin de talaı kelisimder jasalady. Olardyń kópshiligi qazir pysyqtalý ústinde, - dep jazdy Tramp Truth Social jelisinde.

Tramp osyǵan deıin AQSh-tyń hýsıtterge shabýyldy toqtatatynyn málimdegen bolatyn.