Tramp Ýkraınaǵa NATO-ǵa kirýge jol bermeıtinin málimdedi

ASTANA. KAZINFORM — Amerıka Qurama Shtattarynyń prezıdenti Donald Tramp Ýkraınaǵa bolashaqta AQSh pen Eýropa tarapynan qaýipsizdik kepildikteri berilýi múmkin ekenin joqqa shyǵarmaıtynyn aıtty. Alaıda Kıevtiń NATO-ǵa qosylý múmkindigi joq ekenin kesip aıtty, dep jazdy TASS.

— Biraq bul NATO formasynda emes. Sebebi… bilesizder, keıbir nárseler eshqashan bolmaıdy, — dep atap ótti Tramp, Reseı prezıdenti Vladımır Pýtınmen kezdesýge bara jatqan jolda ushaǵy bortynda tilshilerge bergen suhbatynda.

Ol sondaı-aq:

— Iá, Eýropamen birge – bul múmkin, — dep qosty, Ýkraınaǵa AQSh tarapynan qaýipsizdik kepildikteri berilýi múmkin ekenin meńzep.

Alaıda Tramp bul málimdemege qatysty eshqandaı naqty aqparat bermedi.

Eske sala keteıik, Tramp Pýtınmen kezdesýge Ankorıdjge ushty.

Artynsha Alıaskadaǵy kelissózderge qatysatyn AQSh delegatsııasynyń quramy jarııalandy.