Tramp: Ýkraınada prezıdent saılaýyn ótkizetin ýaqyt keldi
ASTANA. KAZINFORM – Aq úı prezıdenti Donald Tramp Politico basylymyna bergen suhbatynda Ýkraınada jańa prezıdent saılaýyn ótkizýdi qoldaıtynyn aıtty, dep habarlaıdy Kazinform.
Amerıkalyq kóshbasshy Ýkraınada jalǵasyp jatqan qaqtyǵysqa qaramastan, jańa prezıdent saılaýyn ótkizetin ýaqyt kelgenin málimdedi. Onyń pikirinshe, saılaý ótkizýden bas tartý demokratııa qaǵıdattaryna qaıshy.
Tramp Ýkraına prezıdenti Vladımır Zelenskııdiń taǵy da jeńiske jetý múmkindigi bar ekenin atap ótti.
- Kimniń jeńetinin bilmeımin. Biraq olarda saılaý kópten beri bolǵan joq. Bilesizder me, olar demokratııa týraly aıtady, biraq qandaı da bir sátte ol endi demokratııa emes, - dedi Aq úı basshysy.
Ýkraınadaǵy kelesi prezıdent saılaýy keste boıynsha 2024 jyly ótýi tıis edi, alaıda Reseı men Ýkraına arasyndaǵy qaqtyǵysqa baılanysty keıinge qaldyryldy.
Eske sala ketsek, qarasha aıynyń sońynda Tramptyń Ýkraınadaǵy beıbitshilik josparynyń barlyq 28 tarmaǵy jarııalandy.
Buǵan deıin BUU Qaýipsizdik keńesi Ýkraına máselesi boıynsha 9 jeltoqsanda ashyq otyrys ótkizetinin jazǵan edik.