Tramp shatdaýn kezinde azyq-túlik markalaryn qarjylandyrýdy kózdeıdi

ASTANA. KAZINFORM — AQSh prezıdenti Donald Tramp amerıkandyqtardyń «ash qalǵanyn» qalamaıtynyn, sondyqtan 1 qarashada aıaqtalýy tıis azyq-túlik kómegin (SNAP) qarjylandyrýdy saqtaýǵa daıyn ekenin aıtty.  

Report agenttiginiń málimetinshe, Aq úıdiń basshysy memlekettik zańgerler qarjylandyrý merzimi aıaqtalǵannan keıin járdemaqy tóleý úshin zańdy ókilettikterge kúmándanatynyn aıtty. Alaıda, prezıdent olarǵa «múmkindiginshe SNAP-ty qalaı zańdy túrde qarjylandyrýǵa bolatynyn túsindirýdi» tapsyrdy.

Eger qarjylandyrý toqtatylsa, asharshylyq shamamen 42 mıllıon adamǵa áser etýi múmkin. 

— Eger sot bizge tıisti zańdy nusqaý berse, qarjylandyrýdy qamtamasyz etý men úshin mártebe bolady, — dep qosty AQSh prezıdenti.

Esterińizge sala keteıik, 1 qazanda AQSh-tyń shyǵys ýaqyty boıynsha saǵat 00:00–den bastap amerıkandyq memlekettik organdar jumysyn toqtatty. Óıtkeni Kongress olardyń qyzmetin qarjylandyrýdy uzartý týraly zań jobasmen kelise almady.

Osyǵan deıin Donald Tramp «shatdaýndy toqtatý kerek» dep, úkimet jumysyn qaıta qalpyna keltirýge shaqyrdy.