Tramp reper P. Diddy-diń raqymshylyq jasaýyn ótingenin rastady

ASTANA. KAZINFORM – P.Diddy degen atpen tanymal amerıkalyq reper Shon Kombs AQSh prezıdenti Donald Tramptan raqymshylyq jasaýyn ótindi.

Tramp muny CNN telearnasyna bergen suhbatynda rastady.

- Kóptegen adam menen keshirim suraǵan, sonyń ishinde Kombs ta bar, - dedi Aq úı basshysy.

Amerıkalyq kóshbasshy buǵan deıin Newsmax-qa bergen suhbatynda reperdi keshirýi ekitalaı ekenin bildirgen.

- Men onymen tatý edim, jaqsy qarym-qatynasta boldym, ol jaqsy jigit sııaqty kórindi. Men ony onsha tanymaıtynmyn. Biraq men prezıdenttikke úmitker bolǵan kezde ol dushpandyq tanytty, - dedi ol.

Tramp sol kezde bul Kombsqa raqymshylyq jasaýdy qıyndatyp otyrǵany qosyp ótti.

Eske sala ketsek, ótken aptada Nıý-Iorktegi sot reper Shon «Dıddı» Kombsty jezókshelikke tartý maqsatynda adamdardy tasymaldaǵany úshin 50 aıǵa bas bostandyǵynan aıyrdy.

Buǵan deıin alqabıler soty Kombsty jezókshelikke tartý maqsatynda adamdardy tasymaldaýdyń eki epızody boıynsha kináli dep tanyǵan (ár epızod úshin eń joǵary jaza — 10 jyl bas bostandyǵynan aıyrý).

AQSh prokýrorlary reper P. Diddy-ge 11 jylǵa túrmege qamaýdy talap etti.