Tramp pen Zelenskıı ne týraly sóılesti
ASTANA. KAZINFORM – Ýkraına buqaralyq aqparat quraldary kelisózder aıaqtalmaǵan soń Zelenskııdiń shuǵyl Aq úıden shyǵyp ketkenin jazdy, dep habarlady VVS.
Aq úı eki el prezıdentteriniń kelissózderinen soń uıymdastyrylýy tıis bolǵan birlesken baspasóz máslıhatynyń ótpeıtinin rastady.
AQSh prezıdenti Donald Tramp Truth Social paraqshasynda kelissózderdiń buzylǵanyn bildiretin málimdeme jarııalady.
- Búgin Aq úıde biz úshin óte mańyzdy kezdesý boldy. Biz osyndaı qyzý áńgimeniń jáne qysymnyń áserimen bolmasa basqadaı jaǵdaıda esh túsinýge bolmaıtyn nárseler týraly bildik. Emotsııa arqyly shyqqany tańqaldyrady. Meniń túsingenim, Zelenskıı AQSh aralasqaly otyrǵan beıbitshilikke daıyn emes. Ol bizdiń qatysýymyz kelissózder barysynda oǵan úlken basymdyq beredi dep oılaıdy. Maǵan basymdyq kerek emes, maǵan beıbitshilik kerek, - dedi AQSh prezıdenti.
- Zelenskıı AQSh úshin qasıetti jerde qurmetsizdik tanytty. Ol beıbitshilikke daıyn bolǵanda qaıta kele alady, - dedi Tramp.
Kezdesý boıyna jáne baspasóz máslıhaty barysynda Tramp birneshe márte óziniń beıitshilikti qoldaý mıssııasy týraly aıtty.
- Eger men olardyń arasyna turmaǵanda (Reseı men Ýkraınanyń) eshqandaı da kelisim bolmaıtyn edi, - dedi ol.
Sondaı-aq Tramp Zelenskııdiń Pýtındi jek kóretinin, Reseı basshysynyń da ony jaqsy kórmeıtinin aıtty.
- Sizder meniń qatal bolǵanymdy qalaısyzdar ma, men buryn sońdy sizder kórmegen adamdaı qatal bola alamyn, biraq Sizder ondaı jaǵdaıda eshqashan kelisimge da kele almaısyzdar, -dedi Tramp.
Ol óziniń tek AQSh múdesi úshin ǵana áreket etetinin jetkizdi.
- Men Pýtıni qoldap otyrǵan joqpyn, men eshkimdi de qoldamaımyn. Men tek AQSh-ty qoldaımyn, - dep málimdedi prezıdent.
Tramp pen Zelenskıı qaýipsizdik kepildigi týraly suraq qoıylǵanda asa qyzbalyqpen bolmasa da bir-birimen daýlasyp qaldy.
Tramp bul prolemanyń bergi jaǵy ǵana jáne istelýi tıis istiń 2 paıyzy ǵana ekenin aıtty.
Zelenskıı atysty toqtatý esh nátıje bermeıtinin, sebebi Pýtınniń Ýkraınany jek kóretinin jetkizdi. Sol sebepti atysy toqtatýǵa Ýkraına qanaǵattanbaıdy, oǵan qaýipsizdik kepildigi kerek.
Osyǵan deıin taraptar arasynda týyndaǵan daý týraly jazǵan edik.