Tramp pen Pýtın Zelenskıımen kelissózden keıin ne týraly sóılesti
ASTANA. KAZINFORM — Reseı jáne AQSh prezıdentteri Vladımır Pýtın men Donald Tramp shamamen 40 mınýtqa sozylǵan telefon áńgimesin júrgizdi, dep habarlaıdy TASS aqparat agenttigi.
Amerıka prezıdenti Pýtınge Vladımır Zelenskıımen jáne birqatar eýropalyq eldiń jetekshilerimen kelissóz aıaqtalǵany týraly aqparattandyrdy, dep habarlady Reseı prezıdentiniń kómekshisi ıÝrıı Ýshakov brıfıngte.
RF men AQSh prezıdentteriniń áńgimesi ashyq jáne syndarly sıpatta boldy:
— Áńgime shamamen 40 mınýtqa sozyldy.
Reseı prezıdenti Tramptyń Ýkraınadaǵy uzaq merzimdi retteýge ákeletin sheshimderdi izdeýdegi jeke kúsh-jigeriniń mańyzdylyǵyn taǵy da atap ótti.
Alıaskadaǵy kezdesý de talqylandy.
— Bizdiń prezıdent amerıkalyq áriptesine qonaqjaılylyǵy, Alıaskadaǵy kezdesýdi jaqsy uıymdastyrǵany jáne Ýkraına daǵdarysyn beıbit jolmen sheshý jolyndaǵy kezdesý barysynda qol jetkizilgen ilgerileýshilik úshin jyly lebizin bildirdi, — dep atap ótti Ýshakov.
Áńgimelesý qorytyndysy
Pýtın men Tramp RF men Ýkraına delegatsııalary arasyndaǵy tikeleı kelissózdi jalǵastyrýdy qoldaıtynyn bildirdi.
— Ýkraın jáne reseılik tarap ókilderiniń, ıaǵnı joǵaryda atalǵan tikeleı kelissózge qatysatyn ókilderdiń deńgeıin kóterý múmkindigin zerdeleý kerek degen ıdeıa talqylandy.
El basshylary «ýkraın jáne halyqaralyq jáne ekijaqty kún tártibindegi basqa da ózekti máseleler boıynsha bir-birimen tyǵyz baılanysta bolýdy jalǵastyrýǵa kelisti».
Buǵan deıin Ýkraına prezıdenti Vladımır Zelenskıı men AQSh prezıdenti Donald Tramp Aq úıdegi jabyq kelissózdi aıaqtap, eýropalyq kóshbasshylarmen kezdesýge kiriskenin jazǵan edik.
Tramp, Zelenskıı men Eýropa kóshbasshylarynyń Aq úıdegi kezdesýi qalaı ótkenin myna materıaldan oqı alasyz.