Tramp Kanadamen saýda kelissózderi aıaqtalǵanyn málim etti

ASTANA. KAZINFORM – Tramp amerıkalyq bıgtehke salynǵan salyqqa baılanysty Kanadamen saýda kelisimin toqtatady, dep habarlaıdy VVS.

AQSh pen Kanada bir-birine saýda tarıfterin engizdi. Sonymen qatar Donald Tramp kórshiles eldi anneksııalaımyn dep birneshe márte qaıtalady. Degenmen taraptar shilde aıynyń ortasynda til tabysýǵa umtyldy.

Juma kúni Tramp áleýmettik jelide amerıkalyq tehnologııalyq kompanııalarǵa salynǵan úlken salyqqa baılanysty kelissózderdi toqtatatynyn málim etti.

Aldaǵy aptada AQSh Kanadadan keletin ımportqa jańa tarıfterdi jarııalaıdy, dep qosty ol.

Osyǵan deıin Tramp kanadalyq bolat pen alıýmınııge baj salyǵyn 50%-ǵa deıin kóteretini týraly jazdyq.