Tramp: Irannan munaı satyp alatyndarǵa sanktsııa salynady

ASTANA. KAZINFORM – AQSh prezıdenti Donald Tramp Irannan munaı nemese munaı ónimderin satyp alatyn elderge nemese jeke tulǵalarǵa AQSh-pen bıznes júrgizýge ruqsat etilmeıtinin eskertti, dep habarlaıdy Kazinform menshikti tilshisi. 

- Irannyń munaı nemese munaı-hımııa ónimderin satyp alýdy dereý toqtatý kerek! Irannan kez kelgen kólemde munaı nemese munaı-hımııa ónimderin satyp alǵan kez kelgen el nemese jeke tulǵa dereý ekinshi rettik sanktsııaǵa ushyraıdy. Olarǵa Qurama Shtattarmen qandaı da bir jolmen bıznes jasaýǵa ruqsat etilmeıdi, - dep habarlady Donald Tramp Truth áleýmettik jelisinde. 

Tramptyń túsiniktemeleri Irannan kúnine 1 mln barrelden astam munaı ımporttaıtyn Qytaıǵa baǵyttalǵany anyq, dep habarlady Rapidan Energy konsaltıngtik fırmasynyń bas dırektory Skott Modell CNBC-ge. 

Prezıdenttiń málimdemeleri «ákimshiliktiń Iranmen jańa kelisimge qol jetkizý jónindegi umtylysynyń ózgergenin bildirmeıdi, kerisinshe, Tramptyń kúsh qoldaný arqyly kelissóz júrgizýge degen senimin kórsetedi» - dep bildirdi pikirin Skott Modell. 

Buǵan deıin AQSh Iran men Qytaı kompanııalaryna sanktsııa salǵanyn jazǵan bolatynbyz.