Tramp Irandaǵy jaǵdaıǵa baılanysty ulynyń úılený toıyna qatyspaýy múmkin
ASTANA.KAZINFORM - Donald Tramp uly Donald Tramp kishi men Bettına Andersonnyń úılený toıyna qatysa alatynyna senimdi emes. AQSh prezıdentiniń aıtýynsha, qazir ol úshin «qolaıly ýaqyt emes», sebebi ol halyqaralyq máselelermen, eń aldymen Irandaǵy jaǵdaımen aınalysyp jatyr, dep habarlaıdy Kazinform agenttiginiń Vashıngtondaǵy tilshisi NBC News-ke silteme jasap.
Tramp otbasylyq is-sharaǵa qatysqysy keletinin, biraq memlekettik ister mańyzdyraq ekenin atap ótti.
AQSh Prezıdenti sonymen qatar BAQ-tyń reaktsııasyna qatysty ázildep, úılený toıyna qatyssa da, qatyspasa da synǵa ushyraıtynyn aıtty.
Osyǵan qaramastan, ol shańyraq kótergen jupqa baqyt tilep, ulynyń qalyńdyǵyna joǵary baǵa berdi.
AQSh prezıdenti ulynyń úılený toıy Bagam araldarynda ótedi, al Tramp osy apta sońynda Nıý-Djersıde bolýy tıis. Kishi Tramptyń Vanessa Tramppen úılengenine 13 jyl boldy, olardyń eki balasy bar. Odan buryn ol Kımberlı Gılfoılmen nekelesken, ony prezıdent 2025 jyly Kishi Tramppen ajyrasqannan keıin Gretsııadaǵy AQSh elshisi etip taǵaıyndaǵan.
Buǵan deıin Tramp Iranǵa josparlanǵan shabýyldy toqtatqan bolatyn.
