Tramp Brazılııaǵa 50 paıyzdyq baj salyǵyn engizdi

ASTANA.KAZINFORM – AQSh prezıdenti Donald Tramp sársenbi kúni Brazılııa taýarlaryna 50 paıyzdyq tarıf engizý jospary týraly málim etti. Bul negizinen eldiń burynǵy prezıdenti, onyń saıası odaqtasy Jaır Bolsonarýǵa degen qarym-qastynaspen baılanysty bolyp otyr, dep habarlaıdy NBC News.

Áleýmettik jelidegi Truth Social paraqshasynda Tramp Lýla degen atpen tanymal qazirgi prezıdent Lýıs Inasıo Lýla da Sılvaǵa jazǵan hatynda Brazılııanyń oǵan degen kózqarasy halyqaralyq deńgeıde masqara ekenin aıtty. –«Bul sot bolmaýy kerek» - dedi.

Lýla óziniń jaýabynda baj salyǵyn kóterý áreketi Brazılııa zańdaryna sáıkes, ekonomıkalyq ózara múdde turǵysynan qaralatynyn jetkizdi.

Lýla sonymen birge AQSh-tyń Bolsonarý sotyna aralasýyna qarsy shyqty.

- Brazılııa – táýelsiz ınstıtýttary bar derbes memleket jáne ol qamqorlyqtyń eshqandaı túrin qoldamaıdy,- dep jazdy Lýla.

— Memlekettik tóńkeristi josparlaýǵa jaýapty adamdardy sotqa tartý Brazılııanyń sot bıliginiń aıryqsha quzyretine jatady jáne ulttyq ınstıtýttardyń táýelsizdigine qaýip tóndirýi múmkin kez kelgen aralasýǵa nemese qaýip-qaterge jol berilmeıdi.

Brazııalııa prokýrorlary Bolsonarýdyń sońǵy saılaýda jeńiske jetken is basyndaǵy prezıdentti óltirýdi kózdegen qylmystyq iske qatysqanyn aıtyp otyr. Bolsonarý bolsa mundaı aıypty moındaýdan bas tartyp otyr.

Aq úıden hat alǵan basqa elder sııaqty, Tramp Brazılııany da tarıfpen qorqytty.

AQSh-tyń halyqaralyq saýda komıssııasynyń málimeti boıynsha, Brazılııa ótken jyly Amerıka Qurama Shtattaryna 42 mıllıard dollardan astam taýar ákelip, 18-shi iri ımporttaýshy boldy.

50% - bul Tramp óziniń áleýmettik medıa platformalarynda jarııalaǵandaı, osy aptada kez kelgen elge engizgen eń joǵary tarıf.

Tramp «Bostandyq kúni» dep ataǵan 2 sáýir kúni Brazılııaǵa tek 10% tarıf engizýdi josparlaǵanyn aıtqan.

Budan buryn habarlanǵandaı, 7 shildede Brazılııada BRIKS sammıti aıaqtalyp, Tramp BRIKS saıasatyn qoldaıtyn elderge qosymsha 10 paıyzdyq saýda tarıfterin engizý týraly eskertken.

Osyǵan deıin Tramptyń BRIKS-ti qoldaıtyn elderge qosymsha baj salyǵyn jarııalaǵany týrraly jazdyq.