Tramp AQSh Bilim mınıstrligin taratty

ASTANA. KAZINFORM — AQSh prezıdenti Donald Tramp Bilim mınıstrligin taratý týraly Jarlyqqa qol qoıdy, dep habarlaıdy BBC.

Tramptyń saılaýaldy baǵdarlamasynyń bóligi bolǵan sheshimge sáıkes, AQSh-tyń jekelegen Shtattary bilim berý saıasatyn baqylaýdy júzege asyrady.

Tramp óziniń sheshimin túsindire kele amerıkalyq bilim berý júıesi óte tıimsiz jumys isteıtindigin atap ótti.

Demokrattar Donald Tramptyń vedomstvony taratý týraly sheshimin jaýapsyz áreket dep atady.

AQSh Bilim mınıstrligi mektep baǵdarlamasyn baqylamaýda ustamaıdy. Vedomstvo memlekettik mektepterge qarajat bólýdi qadaǵalaıdy, stýdenttik nesıelerdi basqarady jáne az qamtylǵan oqýshylardy qoldaý baǵdarlamalarymen aınalysady.

Osyǵan deıin Tramp Iranǵa AQSh-pen jańa ıadrolyq kelisim jasaýǵa eki aı ýaqyt bergenin habarlaǵan edik.