Tramp 2037 jylǵa deıin prezıdent bolýy múmkin

ASTANA. KAZINFORM – AQSh prezıdenti Donald Tramp AQSh Konstıtýtsııasyna engizilgen túzetýlerdiń birin «aıla» retinde paıdalanatyn bolsa, 2037 jylǵa deıin, ıaǵnı 90 jasqa tolǵansha qyzmetinde qalýy múmkin. Bul týraly brıtanııalyq The Daily Mail basylymy jazdy, dep habarlaıdy TASS.

Gazettiń málimetinshe, Aq úı ákimshiligi 1951 jyly qabyldanǵan AQSh Konstıtýtsııasynyń 22-shi túzetýin qoldaný múmkindigin qarastyryp jatyr.

– Bul túzetýge sáıkes, bir adam memleket basshysy bolyp eki retten artyq saılana almaıdy. Alaıda, túzetýde amerıkandyq ákimshiliktiń bılikte turǵan basshysy otstavkaǵa ketken nemese qaıtys bolǵan jaǵdaıda bir adamnyń prezıdenttik qyzmetti úshinshi nemese tórtinshi ret atqara almaıtyny naqty kórsetilmegen, - dep jazady basylym. 

Osylaısha, gazet pikirinshe, kelesi prezıdenttik saılaýda qazirgi vıtse-prezıdent Djeı Dı Vens kandıdat retinde usynylýy múmkin, al ol otstavkaǵa ketken soń, Tramp qaıtadan prezıdenttik qyzmetke kirisedi.

Daily Mail gazetiniń jazýynsha, AQSh Joǵarǵy soty bul sheshimge zańdy turǵyda qarsy shyǵýda qıyndyqqa tap bolýy múmkin.

Aıta keteıik, Donald Tramp AQSh-ta daýys berý erejelerin ózgertý týraly jarlyqqa qol qoıý arqyly atqarýshy bılikke federaldy saılaýǵa buryn-sońdy bolmaǵan yqpal etýdi usyndy.