Tramp 2028 jylǵy prezıdent saılaýyna qatysýy múmkin

ASTANA. KAZINFORM – AQSh prezıdenti Donald Tramp kóptegen adamdardyń ózinen 2028 jyly memleket basshysy qyzmetine qaıta úmitker bolýyn surap jatqanyn aıtyp, bul týraly oılanyp kóretinin málimdedi, dep jazady TASS.

– Bilesizder, biz qaıta saılanǵymyz keledi. Kóptegen adam maǵan sony usynady. Bul týraly oılanamyn, degenmen bul - óte kúrdeli másele, – dedi ol Qatardaǵy Ál-Ýdeıd amerıkalyq áskerı bazasynda sóılegen sózinde.

Amerıkalyq kóshbasshy bul sózin ázil retinde aıtyp, bolashaq saılaýaldy naýqanǵa uran retinde: «Tramp-2028: solshyldardy esinen tandyraıyq» degen nusqany usyndy.

Sonymen qatar, buǵan deıin Tramp prezıdenttikke úshinshi márte saılaýǵa túsý nıeti joq ekenin aıtqan bolatyn.

AQSh Konstıtýtsııasyna 1951 jyly engizilgen 22-shi túzetýge sáıkes, bir adam eki retten artyq memleket basshysy bolyp saılana almaıdy. Kelesi prezıdent saılaýy AQSh-ta 2028 jyly ótedi.

Buǵan deıin 20 shtat Tramp ákimshiligin sotqa bergenin jazdyq.