Tramp 12 eldiń azamattaryna AQSh-qa kirýge tyıym saldy

ASTANA. KAZINFORM – AQSh prezıdenti Donald Tramp Azııa, Afrıka men Latyn Amerıkasynyń 12 eliniń azamattarynyń elge kirýine tyıym salatyn jáne taǵy 7 eldiń azamattaryna shekteý qoıatyn jarlyqqa qol qoıdy, dep habarlaıdy BBC.

Трамп
Фото: Anadolu

Aq úıdiń habarlaýynsha, Aýǵanstan, Mıanma, Chad, Kongo Respýblıkasy, Ekvatorıaldy Gvıneıa, Erıtreıa, Gaıtı, Iran, Lıvııa, Somalı, Sýdan men Iemen azamattaryna AQSh-qa kirýge tyıym salynǵan.

Bul tyıym 9 maýsym kúni kúshine enedi.

Sondaı-aq Býrýndı, Kýba, Laos, Serra-Leone, Togo, Venesýela men Túrikmenstan azamattaryna ishinara kirýge tyıym salyndy.

Donald Tramp keıbir memleketterdiń azamattaryna elge kirýine birinshi prezıdenttik merziminde-aq tyıym salǵan edi. Bul onyń 2017 jylǵy prezıdent laýazymynda qabyldaǵan alǵashqy sheshimi bolatyn.

Tramp ol kezde Lıvııa, Sırııa, Iemen men Somalı azamattaryn shekaradan ótkizbeıtin boldy. Keıinirek tizimge Soltústik Koreıa, Venesýela men Chad azamattary da qosyldy.

Tyıym salýǵa qatysty sheshim sottarda birneshe márte qaralyp, ózgertildi. Alaıda AQSh Joǵarǵy soty ony Konstıtýtsııaǵa saı dep tapty.

Buǵan deıin AQSh-tyń Sırııadaǵy áskerı qatysýyn qysqartyp, bir ǵana bazany qaldyratyny týraly jazdyq.

 

Сейчас читают