Tramp on birinshi ret nemereli boldy

ASTANA. KAZINFORM — AQSh-tyń prezıdenti Donald Tramp beısenbi kúni on birinshi ret ata atandy. Onyń qyzy Tıffanı ul bosandy, dep habarlaıdy Independent.

— Qosh keldiń, súıikti sábıimiz Aleksandr Tramp Býlos. Biz seni sózsiz jaqsy kóremiz! Ómirge kelgenińe alǵysymyz sheksiz! — dep jazdy beısenbi kúni Tıffanı Tramp áleýmettik jelilerde, ulynyń aıaǵynyń sýretin jarııalap.

Bul — 31 jastaǵy Tıffanı Tramp pen onyń 27 jastaǵy kúıeýi Maıkl Býlostyń tuńǵysh balasy. Jup 2022 jyldyń qarashasynda Florıda shtatyndaǵy Palm-Bıch qalasynda ornalasqan Mar-a-Lagoda úılengen bolatyn.

Donald Tramp qyzy Tıffanıdiń júkti ekenin 24 qazandaǵy sóz sóıleýinde jarııa etip, burynǵy áıeli Marııa Meıplzben birge tárbıelegen kenje qyzyn «erekshe jas áıel» dep sıpattaǵan edi.

Donald Tramptyń basqa nemereleri (Kishi Donald, Ivanka jáne Erık esimdi balalarynan):

• Kishi Donald Tramp pen burynǵy áıeli Vanessada bes bala bar: Kaı Medıson — 18 jasta, Donald Djon Tramp III — 16 jasta, Trıstan — 13 jasta, Spenser — 12 jasta jáne Hloıa — 10 jasta.

• Ivanka Tramp pen kúıeýi Djared Kýshnerdiń úsh balasy bar: Arabella — 13 jasta, Djozef — 11 jasta jáne Teodor — 9 jasta.

• Erık Tramp pen áıeli Laranyń eki balasy bar: Erık «Lıýk» — 7 jasta jáne Karolına — 5 jasta

Buǵan deıin Tramp demokrattar ushaqty syılyq retinde qabyldaǵan Trampty synǵa alǵanyn jazǵanbyz.