Toyota negizin qalaýshynyń nemeresi kompanııa prezıdenttiginen ketetin boldy

ASTANA. QazAqparat – Japonııalyq Toyota Motor Corporation avtomobıl qurastyrý korporatsııasy atqarýshy dırektor Akıo Toıodanyń basshylyq qyzmetten ketetinin málim etti. Bul jaıynda QazAqparat Kyodo News-ke silteme jasap habarlaıdy.

Akıo Toıodanyń ornyn Toyota Lexus brendiniń basshysy Kodzı Sato baspaq.

Jasy 53-ke kelgen Kodzı Sato Toyota-nyń brendıng jónindegi dırektory, «Lexus International» lıýks brendiniń jáne Toyota Gazoo sport brendiniń prezıdenti qyzmetterin atqaryp otyr.

Al 1 sáýirden bastap búkil kompanııanyń atqarýshy dırektory laýazymyndaǵy qyzmetine kirisedi.

Kyodo News-tiń málimetinshe, Sato Toyota-daǵy eńbek jolyn 1992 jyly bastaǵan. Al 2016 jyly Lexus International-dyń lıýks klasty Toyota brendiniń bas ınjeneri boldy.

1 sáýirde oryntaǵyn K.Satoǵa bosatatyn 66 jastaǵy Akıo Toıoda – ónertapqysh Sakıchı Toıodanyń shóberesi, Toyota Motors kompanııasynyń negizin qalaǵan Kııchıro Toıodanyń nemeresi.

Qazirgi qyzmetine 2009 jyly taǵaıyndalǵan. Sodan beri kompanııany úzdiksiz basqaryp keldi.

Kompanııanyń baspasóz qyzmeti Toıodanyń avtokontsernniń dırektorlar keńesine tóraǵalyq etetinin jazdy.

Keńestiń qazirgi tóraǵasy Takesı Ýtııamada keńes múshesi bolady.

Foto: english.kyodonews.net