Tótenshe jaǵdaılar mınıstrliginiń áskerı bólimderi 53 almatylyqpen tolyqty

ALMATY. QazAqparat - Tótenshe jaǵdaılar mınıstrliginiń Azamattyq qorǵanys polktarynda 53 almatylyq azamat merzimdi áskerı boryshyn óteıdi. Bul týraly Almaty qalalyq tótenshe jaǵdaılar departamenti málim etti, dep habarlaıdy QazAqparat tilshisi.

Vedomstvonyń málimetinshe, qalalyq TJD «Kúz 2022» naýqany aıasynda áskerge shaqyrylýshylarmen tolyqtyrýdy 100 %-ǵa oryndap, jastardy Tótenshe jaǵdaılar mınıstrliginiń azamattyq qorǵanys áskerı bólimderine jiberdi.

«Almatyda 1 qyrkúıek - 11 qarasha aralyǵynda merzimdi áskerı qyzmetke shaqyrý naýqany ótti. Bıylǵy kúzde 53 jas áskerı boryshyn atqarý úshin TJM 52859, 68303 áskerı bólimderiniń qataryn tolyqtyrady. 12 qarashada Almaty qalasy qorǵanys isteri jónindegi departamentiniń qalalyq qurama pýnktinde áskerge shaqyrylýshylardy saltanatty túrde shyǵaryp salý rásimi ótti, mýzykalyq súıeldemesin Almaty qalalyq TJD-nyń úrmeli aspaptar orkestri oryndady»,- dep habarlady qalalyq TJD-nyń baspasóz qyzmeti.

Bolashaq sarbazdardy shyǵaryp salýǵa Almaty qalasy Tótenshe jaǵdaılar departamentiniń, Almaty qalasy qorǵanys isteri departamentiniń qyzmetkerleri, ardagerleri, sondaı-aq, dostary men týystary keldi.