Tótenshe jaǵdaılar qyzmetin jaraqtandyrýǵa 45 mlrd teńge qajet – ıÝrıı Ilın

ASTANA. QazAqparat – QR Tótenshe jaǵdaılar mınıstri ıÝrıı Ilın salanyń bólimshelerin tehnıklyq jaraqtandyrýǵa 45 mlrd teńge surap otyrǵanyn aıtty, dep habarlaıdy QazAqparat tilshisi.

«Tehnıka, tikushaq óndirý bir aptanyń, bir aıdyń sharýasy emes. Biz bólimshelerimizdi jaraqtandyrý bóletin qarajatty kezeń-kezeńmen arttyrýǵa ótinim berdik. Úsh, ári ketse, bes jyldyń ishinde biz búkil tótenshe jaǵdaılarǵa jedel áreket etýge múmkindik beretin kórsetkishterge jetemiz. Tehnıkalyq jaraqtandyrýǵa ǵana 45 mlrd teńgeden astam qarajat qajet, biz ony surattyq»,-dedi ol Úkimet otyrsynan keıin BAQ ókilderiniń suraǵyna bergen jaýabynda.

Sondaı-aq,ol Qostanaı oblysyndaǵy órtke jaýaptylardyń kinási ár organnyń mindetine oraı qaralyp jatqanyn túsindirdi.

«Qostanaı oblysyndaǵy órt týraly aıtsaq, bul jerde jaýapkershilik dárejesin anyqtaý kerek. Tótenshe jaǵdaılar mınıstrligi orman órtine birinshi kezekte áreket etýge baǵyttalmaǵan. Ol úshin Orman sharýashylyǵy komıteti men jergilikti atqarýshy organdar bar. Biraq TJM barlyq jerde tótenshe jaǵdaıdy joıýǵa kómektesedi», - dedi ıÝrıı Ilın.