Tótenshe jaǵdaı: Elimizde qansha bank zaqymdandy

NUR-SULTAN. QazAqparat – Elimizde buzaqylardyń is-áreketi saldarynan ekinshi deńgeıli birqatar banktiń bólimshesi zaqymdaldy, dep habarlaıdy QazAqparat tilshisi.

Habar-24 telearnasynyń málimetinshe, elimizde buzaqylardyń shabýyl saldarynan Kaspi bank-tiń 4 bólimshesi zaqymdandy. Olardyń úsheýi Almaty qalasynda, al bireýi Taraz qalasynda ornalasqan.

Aıta keteıik, QR Ulttyq bankiniń baspasóz hatshysy Oljas Ramazanov elimiz boıynsha barlyq ekinshi deńgeıli bankter men Qazaqstan qor bırjasynyń jumysy ýaqytsha toqtatylǵanyn málim etken bolatyn.

«Qazaqstan Respýblıkasynyń Qarjy naryǵyn retteý jáne damytý agenttigi men Qazaqstan Ulttyq banki birqatar óńirde kúsh qurylymdarynyń kontrterrorıstik operatsııa júrgizýine jáne ınternet júıesindegi ýaqytsha irkilisterge baılanysty, sondaı-aq, qyzmetkerler men qarjy qyzmetterin tutynýshylardyń qaýipsizdigi úshin barlyq qarjy uıymdarynyń sonyń ishinde ekinshi deńgeıli bankterdiń Qazaqstan qor bırjasynan, baǵaly qaǵazdardyń ortalyq depozıtarıiniń jumysyn 2022 jylǵy 6 qańtarda ýaqytsha toqtatý qajettigi týraly habarlaıdy», - dedi Ulttyq banktiń baspasóz hatshy.