Tórt túrikmenstandyq sportshy Harbın qysqy Azııa oıyndarynan shettetildi
HARBIN. KAZINFORM – Túrikmenstandyq 4 sportshy Qytaıdyń Harbın qalasynda ótip jatqan ІH qysqy Azııa oıyndarynan shettetildi.
Hokkeıden erler arasyndaǵy toptyq kezeńniń kezekti matchynda Túrikmenstan quramasy qytaılyq Gonkong quramasymen kezdesip, 1:5 esebimen jeńilip qaldy. Oıyn aıaqtalysymen eki komanda arasynda tóbeles bastalyp, saldarynan Gonkong sapyndaǵy úsh hokkeıshi jeńil jaraqat aldy.
Halyqaralyq shaıbaly hokkeı federatsııasy (IIHF) tóbeleske qatysqan 4 túrikmenstandyq hokkeıshiniń áreketin qasaqana shabýyl dep baǵalap, Azıadanyń qalǵan oıyndarynan tolyqtaı shetteti.
Sonymen qatar Gonkong arnaıy ákimshilik aımaǵynyń basshysy Djon Lı Kachhıý tóbelesti qatań synap, jaraqat alǵan sportshylardyń kóńilin surady.
Aıta keteıik, hokkeıden Qazaqstan erler quramasy qysqy Azııa oıyndarynyń A tobynda barlyq kezdesýde jeńiske jetip, pleı-offqa birinshi orynmen shyqty.