Tórt oblysta jol jabyldy

ASTANA. KAZINFORM – QazAvtoJol aýa raıyna baılanysty birneshe oblysta kólik qozǵalysyna shekteý qoıylǵanyn habarlady.

2026 jylǵy 9 aqpan saǵat 19:00-de aýa raıynyń nasharlaýyna baılanysty kelesi respýblıkalyq avtojoldarda júk kólikterdiń qozǵalysyna shekteý engizildi:

Aqmola oblysy:

- «Astana — Qaraǵandy — Almaty» avtojolynyń 30 — 92 shaqyrym aralyǵy (Jibek Joly TÓP — Qaraǵandy oblysynyń shekarasy);

Qaraǵandy oblysy:

- «Astana — Qaraǵandy — Almaty» avtojolynyń 92 — 164 shaqyrym aralyǵy (Aqmola oblysynyń shekarasy — Temirtaý TÓP);

- «Astana — Qaraǵandy — Almaty» avtojolynyń 592 — 750 shaqyrym aralyǵy (Balqash qalasy — Jambyl oblysynyń shekarasy); - «Qaraǵandy — Aıagóz — Tarbaǵataı — Boǵas» avtojolynyń 17 — 60 shaqyrym aralyǵy (Qaraǵandy qalasy — Botaqara kenti);

Jambyl oblysy:

- «Astana — Qaraǵandy — Almaty» avtojolynyń 750 — 897 shaqyrym aralyǵy (Qaraǵandy oblysynyń shekarasy — Býrylbaıtal aýyly);

Joldy 2026 jylǵy 10 aqpan saǵat 08:00-de ashý josparlanǵan.

Shyǵys Qazaqstan oblysy:

2026 jylǵy 9 aqpan saǵat 20:00-de aýa raıynyń buzylýyna baılanysty respýblıkalyq mańyzy bar «Óskemen — Altaı — Úlken Naryn — Katonqaraǵaı — Rahman qaınarlary» avtojolynyń 7 — 166 shaqyrym aralyǵynda (Ýshanovskoe aýyly — Altaı qalasy) kóliktiń barlyq túrleri úshin qozǵalysqa shekteý qoıylady.

Joldy 2026 jyly 10 aqpan saǵat 09:00-de ashý josparlanǵan.

1403 baılanys ortalyǵyna habarlasyp, táýlik boıy qosymsha aqparat alýǵa bolady.

Buǵan deıin Qaraǵandy, Ulytaý jáne Qyzylorda oblystarynda kólik qozǵalysyna shekteý qoıylǵanyn jazǵan edik.