Tórt oblysta kólik qozǵalysyna shekteý qoıyldy

ASTANA. KAZINFORM – Pavlodar oblysynda barlyq baǵyt boıynsha, taǵy úsh oblysta respýblıkalyq mańyzy bar joldarda kólik qozǵalysyna shekteý qoıyldy, dep habarlaıdy QR Tótenshe jaǵdaılar mııstrliginiń baspasóz qyzmeti.

- Kún raıynyń qolaısyzdyǵyna baılanysty Pavlodar oblysynda barlyq avtokólik túrleri úshin barlyq baǵyttar boıynsha, sondaı-aq 3 oblysta (Aqmola, Qaraǵandy, Abaı) respýblıkalyq mańyzy bar a/j 4 ýchaskesinde qozǵalys jabyldy, - delingen habarlamada.

Júrgizýshilerge saqtyq sharalaryn saqtap, alys jerlerge barýdan bas tartý jáne joldardyń jaı-kúıi týraly aqparattyń jańartylýyn qadaǵalaý usynyldy.

Osyǵan deıin Semeıden Pavlodarǵa bet alǵan 50 avtokólik boranda jolǵa shyǵa almaı turǵany týraly jazdyq.