«Torpedo» komandasynyń 19 jastaǵy oıynshysy Ivan Pylenok qaıtys boldy
ASTANA. KAZINFORM – Óskemenniń «Torpedo» komandasynyń jastar quramasynda oınaıtyn qaqpashy Ivan Pylenok qaıtys boldy. Bul týraly Sport Shredıngera telegram arnasy habarlady.
Qaqpashy muz aıdynynda ózin jaısyz sezingen. Dárigerler men LDS qyzmetkerleri oǵan alǵashqy medıtsınalyq kómek kórsetip, tez arada jedel járdem shaqyrǵan. Jedel gospıtalızatsııadan keıin Pylenok aýrýhanada kóz jumdy.
– «Torpedo» hokkeı klýby Ivannyń otbasy men jaqyndaryna qaıǵyra kóńil aıtady. Bul bárimiz úshin orny tolmas qaza. Biz ony talantty, órshil, jarqyn sportshy retinde máńgi esimizde saqtaımyz», - delingen klýb málimdemesinde.
19 jastaǵy Pylenok «Jastar» jastar lıgasynyń sońǵy maýsymynda 16 kezdesý ótkizgen. 2022/23 jylǵy maýsymda qaqpashy «Torpedonyń» negizgi komandasymen birge Qazaqstan chempıonatynda eki oıyn ótkizdi.