Tórehan Sabyrhan 19 jasynda bokstan álem chempıony atandy

ASTANA. KAZINFORM — Anglııanyń Lıverpýl qalasynda World Boxing aıasynda ótip jatqan álem chempıonatynda Tórehan Sabyrhan (70 keli) chempıorn atandy. 

Otandasymyz fınalda Sevon Okadzava (Japonııa) kezdesti. Nátıjesinde qarsylasynan basym túsip, nebári 19 jasynda álem chempıony ataǵyn jeńip aldy.

Eske salsaq, budan buryn Mahmud Sabyrhan (55 keli), Sanjar Tashkenbaı (50 keli) jáne Alýa Balqybekova (51 keli), Aıda Ábikeeva (65 keli) álem chempıony atansa, Nazym Qyzaıbaı (48 keli) kúmis júldeger boldy.

Endi keshki sessııada Aıbek Oralbaı (90 keli), Natalıa Bogdanova (70 keli) altynǵa talasady. 
Dúbirli doda 4-14 qyrkúıek aralyǵynda Anglııanyń Lıverpýl qalasynda ótip jatyr. Jekpe-jekter «Qazaqstan» jáne «Qazsport» telearnalarynan tikeleı efırde kórsetildi.

Álemniń ár qıyrynan kelgen boksshylar 4-10 qyrkúıek aralyǵynda irikteý kezeńinde baq synady. Al 12-13 qyrkúıekte jartylaı fınaldyq, 13-14 qyrkúıekte fınaldyq básekeler ótti.