Tól teńgege 30 jyl: Astanada arnaıy kórme ashyldy
QR Prezıdenttik ortalyǵynda Qazaqstannyń ulttyq valıýtasynyń 30 jyldyǵyna arnalǵan kórme ashyldy, dep habarlaıdy Kazinform.
Kórmeni ashqan Qazaqstan Respýblıkasy Prezıdenttik ortalyǵynyń dırektory Baqytjan Temirbolat elimizdiń ulttyq valıýtasy Ánuran, Tý, Eltańba sekildi táýelsizdigimizdiń birden-bir nyshany ekenin atap ótti.
Qazaqstandyq banknottar arqyly búkil álemge Abaı Qunanbaev, Shoqan Ýálıhanov, Abylaı han, Qurmanǵazy, ál-Farabı men Qoja Ahmet ıAssaýı kesenesi, Oqjetpes, Іle Alataýy sekildi elimizdiń kıeli oryndary tanyldy.
Kórmeniń uıymdastyrýshylardyń aıtýynsha, Qazaqstan banknottary joǵary sapaly jáne bıik dárejede qorǵalǵan. Muny halyqaralyq sarapshylar da rastaıdy. Oǵan dálel halyqaralyq banknottar qaýymdastyǵy Qazaqstannyń banknotyn úsh jyl qatarynan álemdegi eń úzdik dep tanydy.
Kórmege 200-den astam eksponat qoıylǵan:
- Qazaqstannyń ejelgi monetalary;
- ulttyq valıýtany qalyptastyrýdyń alǵysharttary;
- halyqaralyq qarjy uıymdarymen yntymaqtastyq;
- QR Ulttyq bankiniń Qazaqstan teńge saraıy;
- kollektsııalyq, ınvestıtsııalyq jáne estelik monetalar.
«Teńge – táýelsizdik nyshany» atty kórme 2024 jylǵy 15 qańtarǵa deıin jalǵasady.
