Tokıoda shilde aıyndaǵy aptap ystyqtan 120 adam qaza tapty

ASTANA. KAZINFORM - Japonııada qalyptan tys ystyq basylǵan joq. Resmı derekterge qaraǵanda, shildede Tokıoda aptap ystyqtan 120-dan astam adam kóz jumdy. Olardyń kópshiligi 60 jastan asqan adamdar, dep jazady Euronews.

Ótken aı elde 1898 jyldan beri júrgizilip kele jatqan baqylaýlar tarıhyndaǵy eń ystyǵy boldy. Aýa temperatýrasy ortashadan 2,16 gradýs Tselsıı joǵary boldy.

37 000 japondyq medıtsınalyq kómekke júgindi.

Seısenbi kúni Tokıo men Japonııa batysynda aýa raıynyń shamadan tys joǵarylaıtyny týraly eskertý jarııalandy. El astanasynda aýa temperatýrasy shamamen +34-ke deıin kóterildi.

Jergilikti aýa raıy qyzmetiniń habarlaýynsha, tamyz aıynda aptap ystyq basylmaıdy. Aldaǵy kúnderi el astanasynda +35 jáne odan joǵary bolýy múmkin.