Tokıo Paralımpıadasynyń saltanatty ashylý rásimi aıaqtaldy
Aıta ketsek, alǵashqy Paralımpıada oıyndary 1960 jyly Italııanyń astanasy Rımde ótti. Oıyndar 18 qyrkúıekte «AkvaAtsetos» stadıonynda ashyldy.
Qazaqstandyq sportshylar 1996 jyldan beri Jazǵy Paralımpıada oıyndaryna qatysyp keledi.
Buǵan deıin Qazaqstan quramasy sapynan eki sportshy júldege qol jetkizdi. 2016 jyly Brazılııanyń Rıo-de-Janeıro qalasynda Zýlfııa Gabıdýllına erkin mánerde 100 metrge sýǵa júzýden chempıon atandy. Sol joly taǵy bir qazaqstandyq Raýshan Qoıshybaeva paýerlıftıngten áıelder arasynda 67 kelide kúmis júldeger atandy.
Dúbirli doda 24 tamyz jáne 5 qyrkúıek aralyǵynda ótkiziledi. Atalǵan jarysta elimizdiń atynan barǵan 26 sportshy sporttyń 7 túrinen synǵa túsedi.
Aıta keterligi, bıylǵy Paralımpıada oıyndaryna Býtan, Grenada, Maldıvy, Paragvaı, Sent-Vınsent jáne Grenadına sekildi memleket sportshylary tuńǵysh ret qatysyp otyr.
Alǵashqyda atalǵan dodaǵa álemniń 183 elinen sportshylar qatysýy josparlanǵan edi. Koronavırýs ınfektsııasyna juqtyryp alý qaýpine baılanysty olardyń 20-y Tokıoǵa kelýden bas tartty.